7
na, sarta boelă băn dhika toḍoes ka orèng sanaghără ḍinto. Mangka maskè nèng èkarèpot sapatotta, ghi' taḍă ' sè èkabhănḍhă'ă."
Otja'na binèna: ,,Ah, anapè ma' dhăddhi ta' èkardjǎ'ăna? Napè dhika bắn boelă ta toḍoes ka dji-pardjădji, ka lă-bhăla băn ka rèng-orèng maghăr sarè? Maskè ta' anḍi' pèssè, djhoe ta' băḍă răng-bhărăng; ghănèko paghădhi otabă djhoewăl, sabăb parkara sè bărinto nèko kodhoe èparloaghi ongghoe, karan pon băḍă è tja' otja'an: ,,Potè tolang bi' potè mata, ngo'an potèa tolang."
Hamdăn ngèḍing otja'na binèna bhoeroe atèna arassa panas, pangaterrona sè akardjǎ'ă so'è dhaddhi. Ladjhoe maghăḍhi sabă băn tegghăllă, sarta adjhoewăl djhărănna, nèng adhina sèttong, djhărăn tompa'anna.
Saellana tanto tangghăl-boelănna sè akardjǎ'ă, Hamdăn pas aghăbăj sorat djhăng-ondjhăngan ka lă -bhălă băn ka mo-sarmoanna. Samarèna madjhălăn sorat djhăng-ondjhăngan bhoeroe, Hamdăn pas njabis ka Asistèn bădhăna sambi ngèbă torator kakanan, njo'on sopadjă Asistèn bădhăna djarèja kasokan ngapalaè kardjǎna.
Saellana djǎrèja Hamdăn pas njabis ka Bădhăna sambi ngèbă tor-ator kakanan, mènangka dhăddhi tanḍhă, djhă' abă'na ngatorè longghoe è băkto dhăddhina djhăng-ondjhăngan.
Bhăreng dhăddhina ghăbăjjă la karè lèma arè, bănnja' orèng sè èntar long-nolongè ka bengkona Hamdăn. Rèng-orèng sè long-nolongè djărèja paḍă èèngonè sakadhărră. Saellana karè ḍoe arè ka arè dhăddhina ghăbăj, è bengkona Hamdăn ènger bi' monjèna tabbhoeăn, paḍătengnga tamoj ngolkol, lèr-kèlèran. Sakabbhiănna tamoj djărèja paḍă èka' angka'è ratap, alebbiăn băn kapprana ka'-angka'na orềng baḍă ghăbăjjă. Amarghă djǎrèja ghăbăjjă para' pegghă'ă ètengnga, marghǎ kakorangan nasè' djhoeko'. Maskè la ènjèt-ènjèt ghi' ta' menḍăng, marghă tabǎnnja' ghǎlloe orèngnga. Embi'na la paḍă èsambhelli ghi' sabelloenna arè dhăddhina. Djărèja ijă ta' menḍăng, marghă bănnja' èḍhăl-bhiḍhăl rèng-orèng sè long-nolongè, tjara adhăt sè la èkakappra è bengkona orèng băḍă ghăbăjjă. Mon Hamdăn njambhelli embi', sè napa' ka ḍăpor (èola) nèng sampèlla ḍoe kaladjă; laènna èlang ta' ètemmo rongonna.
Hamdăn talèbăt seḍḍhi è atèna, tapè nèng ollè seḍḍhi malolo, sabăb la padjhăt tjara djărèja kapprana. Ngabăs, kabăḍă'ăn/ sè tjara djărèja Hamdăn asangghettem bhăi, sabăb ghighiră ka rèng sè ngètjo', tako' aghăbăjăn sala tampa ka tamojja; mon èpannengnga, apa sè èkaghăbăjă nerrossaghi ghăbăjjă; sabhǎb embi'na la taḍă', mangka mèn-rammènna ghi' ta' èmolaè bhălăkka.
Katjatora orèng sè nowaè ghăbăj ghella' ghǎsèk mènta bhă-
