8
răng sè korang ka Hamdăn, ngotja' korang rèja, taḍă' rowana, mènta ano băn èn-laènna. Anangèng Hamdăn ta' ngennèng aberri', sabăb pèssèna la taḍă', mangka ngèndjhăm ka orèng laèn la ta' ollè. Bit-abit abă'na pas ènga' ka pèssè padjhek tana ollèna naghi ḍări maghăr-sarèna. Molana abǎ'na pas dhoeli maso' kaḍălem pangkèng katèḍoenganna, ngala' pèssè ghella', èangghoejă. Nalèkana tanangnga èpanjeḍḍhoek kaḍălem baḍḍhăna pèssèna, njaptjap aèng matana , sambi akarennjet èḍălem atèna: „Saddjhegghǎ sèngko' ta' tao nemmo malo băn tjalaka' tjara satèja."
Kalabăn talèbăt ennes atèna, aba'na pas ngala' pèssè djărèja, otja'na: ,,Doe èpabărămma'a mon la bărinna', ontong kalèr mo-temmo èboeḍi."
Katjatora djhăng-ondjhănganna, sarrèna tabănnja' ghǎlloe sè ḍăteng, kongsè bănnja' sè ta' mèlo ka'-angka', apa polè orèng ḍoemè'na, maskè bhăngsa pardjădjina băḍă kèja sè ta' kadhoemanan, kongsè băḍă sè ta' mèlo kopi bhălăkka'; mènta'a, arassa toḍoes. Băḍă kèja orèng sè ghellem mènta'aghi, otja'na : „Ano ka'into ghi' ta' èatorè dha'ăr!"
Pas dhoeli èsaotè bi' sè anḍi' ghăbăj : ,,Mangkèn ngantos nasè', ghi' ta' massa'!"
Sanjatana ta' tjara djărèja, padjhăt taḍă' sè èangka'aghiă ongghoe, marghǎ tako' taḍă' sè èangka’aghiă kalangghoeănna, kongsè sè anḍi' ghăbăj ngara'nga' otja'na; mon sè binè' taker pan-bărămpan kalè ta' ènga' orèng.
Amarghǎ djărèja Hamdăn ètja'-kotja'è orèng kongsè taḍă' karè. Tja'na sè sèttong: ,,Katèk bănnja' rarengkanna ronèro orèng laèn, băḍă'ă ghăbăjjă apa; ḍoe apa parlona watmakowat, mon abă'na padjhat ta' anḍi'."
Sabǎnnè băḍă sè ngotja' bărijă: „Sènga tao djhă' ta' èka'angka’ana, engko' djhoe marloaghi èntar ḍă’anna”.”
Bhărèng la napa' ka dhăddhina ghăbăj, sakabbhiănna djhăng ondjhănganna, radja kènè', towa ngoḍă paḍă akompol, kongsè bengko băn tataroppa possa' bi' tamoj.
Dhinèng mèn-rammènna è băkto djărèja tjè' rammèna, sabăb sakabbhiănna paḍă èrakrak bhăngsa pardjădji. Tapè rèng sè anḍi' ghăbăj meng-ghimengngen, pèkkèrra lang-taèlang, njabǎna ondhoer ḍăteng, marghă mèkkèrè sè èkaghăntèa pèssè padjhek ghellă', karana abă'na ta ' anḍi' tjagherrăn sakalè. Dhăddhi Hamdăn sè băḍă ghăbăjjă ghella' ta' anjama njarè kasennengnganna atèna, tapè pas ollè kasossa'an.
Kamalemmanna najoep talèbăt ramènna. Sakabbhiănna djhăng-ondjhănganna paḍă anga-bhoenga sè atangdhăng, sarta patangdhăngnga ngantjèng, tjegghoeloena ngabbhiăghi masè tjara sè mapotonga lè'èrra. Sè anḍi' ghăbăj ijă atangdhăng kèja, tapè pèkkèranna lang-taèlang, sarat ta' anḍi' atè èḍălem.
