9
Ekala' lekkassa tjarèta, ghăbăj ghellǎ ' la oboes. Dhinèng Hamdăn talèbăt gheddhoerră, arassa ta' anḍi' ora' sakalè' marghǎ korang ngakan băn korang tèḍoeng. Aboe-èmboe pèkkèrra talèbăt sossana, sarta atèna taḍă' pegghă'na tal-takettal, marghǎ mèkkèrrè padjhek sè taroḍḍhoet èkabhăndhă băḍă ghăbăjjă, sabăb la karè ḍoe boelăn ka totop taon. Eḍălem ḍoewă boelăn djărèja Hamdăn taḍă' amboena apèddhel njarè tang-otangan pèssè, tapè ta' ghellem ollè sakalè. Saellana napa' ka totop taon, Hamdăn pas èdhikanè ka kabǎdhănan, sabǎb pèssè padjhek tangghoenganna ta' lonas, ghi' karè f 150. Bhǎreng Hamdăn èparèksa Bădhăna parkara kantonna pèssè ghellǎ', ladjhoe dhoeli njembhă adhoet-sèdhoet sambi njo'on sapora, sabǎb pèssè padjhek ghellǎ' taroddhoet èkabhănḍhă ghăbăjjă. Sarrèna Bădhănana nèserran ka orèng, molana Hamdăn èberri'i tèmpo saboelăn agghi'; anagèng mon la napa' ka tèmpona, mangka ghi' ta' èlonasè, mastè abǎ'na èokom boewăng bi' Naghără. Amargha djărèja Hamdăn ladjhoe adjhoewăl răng-bhărăngnga. Sarrèna padjhoewăllǎ kalabǎn kasoesoeăn, dhăddhi nèng padjoe ḍă-moḍă, tapè ghi' anjama ontong, sabǎb kangsè ollè f 150. Maskè abǎ'na la lopot ḍări okoman boewăng, tapè pas èleppas, sabǎb abă'na la ta' èkennèng partjadja'ăghi Naghǎră.
Katjatora saellana Hamdăn amboe dhăddhi kalèboen talèbăt malaratta, sarta tjè' nèspana. Amarghă djărèja ladjhoe mamanglo ka abă'na dhibi', kakasta'anna saboeloena kolè'na.
Abăng Sè'an, orèng Bătawi, èntar njarè kasap ka Soekaboemi. Dhinèng sè dhăddhi pangorèpanna adjhoewǎl găḍó-găḍó [1] kalabăn bhăndhă sakonè'. Anangèng sarrèna abă'na pènter padjhădjhoewăllă, tao ngator radjhekkèna, sarta podjhoer, bitabit kongsè kellar mellè bengko băn pakaranganna, polè pakakas, ra-kèra adjhi ƒ 300. Băn polè bhănḍhăna so'è aorok bănnja', marghǎ djhădjhoewăllă so'è ghǎroes. Satèja djhădjhoewǎllă ta' nèng găḍó-găḍó malolo, aèmboe wă'-boewă'ăn. Apa polè binèna makka' losmèn.[2]
Kaotja'a Băng Sèan anḍi ana’ băbinè sèttong la parabăn. E nalèka sèttong arè ana'na djărèja èpènta orèng. Sarrèna
