24
dhibi', djhă' lè-sakalè ètolong. Mon bă'na ta' anḍi', tanto orèng sè dǎnggǎs ghellǎ' ta' kèra ta-mènta ka bă'na; tapè mon băʼna soghi arapa orèng djărèja ma' ta-mènta ka bǎ'na ?
Ghi' ta' saapa abiddhă è dhisa Pasirrengit băḍă rèng kasorang, anjama Alnasan. Dhinèng Alnasan rèja asal-molana tjè' malaratta, ghăsèk ngakan asella arè. Pangorèpanna abă'na è rèsaarèna ngala' dherrep alako sabă. Dherreppa èḍălem sataon paḍi 100 èntèng, sè tèng-saèntèngnga berrăt 5-6 katè, sarta abă'na ollè kakan băn angghoej saparadhek. Lè-ollèna paḍi pas èdjhoewăl ka pasar, pèssè padjoena ladjhoe ètaro .
Sarrèna abă'na bhădjheng sarta tjattjèl alalakon, sarta podjhoer, bit-abit abă'na kongsè anḍi' bhănḍhă mandjhă' dhibi'. Ladjhoe njèwă sabă sabhǎoe, èlakonè dhibi'.
Lantaran abă'na tjerrè' sarta parèmpen, tao aḍăng-menḍăngngaghi radjhekkèna, molana so'è abit so'è bănnja' ḍi' -anḍi'na, kongsè kellar mellè bengko sè abăk bhaghoes, tjoma abă'na ghi' ta' anḍi' tanana.
Saellana djărèja abă'na pas tomboe pèkkèrra terro abinèna, karana arassa talèbăt sossana taḍă' sè mateppa'aghi kakan băn angghoejjă, apa polè mon alalakon è sabăna arassa malarat, marghǎ taḍă' sè nolongè. Amarghă djărèja abă'na pas njarè băbinè' sè èkatjotjokè.
Dhinèng babinè' sè èsarè abă'na ta' mèlè sè raddhin , sokkor robăna kappra bi' orèng bhăi; sè èsarè abă’na ijă arèja băbinè' sè bhaghoes tèngka polana, pabhălă, ta' laṭṭès băn ta' somengngèt; băn polè salè-ollè mèlè orèng sè tao ala-ola. Abă'na ta' lè-sakalè akarep ka orèng raddhin, karana orèng raddhin rèja, mon ta' ètoboei sakabbhiănna, bănnja' salèdhir, ta' èsto ka lakèna. Băn ta' terro ana' mantrè, sabăb tja'na pangrasana ta' boeroeng tako' ka lalakon.
Apa polè ana'na orèng soghi, abă'na ta' anḍi' pangaterro nè'sakone'a, sabăb ana'na orèng soghi rèja kapprana masola, bănnja' tètèngkanna, ta' èkennèng rèksakè orèng. Mon badhǎllă lakena korang ta' èkenḍă'i, sarta ta' katon, marghă ghǎsèk kaalèngan paberri'na orèng towana. Bărijă kèja mattowana, mon mantona korang paberri'na ka ana'na, kabănnja'an pas èkala' lakona, kongsè èkennèng kotja' ta' ollè todjoe' bhălăkka'; sèjang malem, odjhăn angèn, mon băḍă èsoroaghiă, ta' ollè a-
