29
tanto menḍăng èkabelli bengko bă'-djhoebă', sè nompèng è pakaranganna orèng; parkara radjhekkè ghămpang sarèanna.
Kalagghoeănna Alnasan njèrènnaghi bengko bản pakaranganna ka mosona sè mennang amaèn ghella', abă'na pas mellè bengko sè nèng adjhi f 20, sabăb pèssèna terro lebbiă f 5, parlo èkabhănḍhă'ă amaèn.
Bilăn Alnasan terro soghiă, tapè kadhăddhiănna sèla ta' soghi, la-mala ladjhoe mèskèn. Ontongnga abă'na ta' kongsè adjhoewal ana'-binèna tjara sè la èdjhălănnaghi orèng laèn.
Bharǎng ḍi'-anḍi'na Alnasan, sè ollèna pol-makompol ghănnè'-sakonè' kalabăn alalakon abhăntèng abă', sarta kèng-njekkèng molaè ḍări ghi' ngoḍă kongsè towa, satèja la taḍă' kakabbhi, lantaran ḍări kabhoeḍhoeănna băn pèkkèranna sè ta' rokaroan. Amarghǎ djărèja kakasta'anna abă'na dhăddhi saboeloena kolè'na, nangèng la kasèp.
Eḍălem sèttong naghără băḍă orèng lalakè' kasorang, anjama Radhin Sorawijǎsa. Sarrèna Radhin Sorawijăsa rèja ta' anḍi' tarètan polè, molana abă'na talèbăt èkanèserrè bi' orèng towana. Maskè orèng towana ta' soghi, tapè sabhărăng pèpèntanna taḍă' sè ta' ètorotana; la-mala orèng towana ḍhăngkaḍhăng kongsè djhăm-taèndjhăm ka orèng laèn nèng parlo norotè pèpèntanna abăʼna. Amarghǎ djărèja Radhin Sorawijăsa kongsè ka towana toman rojăl, wang-mowang radjhekkè ta' karoan.
Nalèkana abǎ'na ghi' kana' èpasakola è sakola'an kènè'; pasakolana bhǎdjheng, tarbhoeka, lekkas ngartè ka sabhărăng pangadjhărănna ghoeroena. Amarghă djărèja orèng towana so'è nèser ka abăʼna, sabhărăng kakareppanna ètorotè. Ghoeroena ijǎ tjè' nèserra kèja, polana abă'na pènter sarta bhădjheng asakola, apa polè bhăghoes tèngka-polana, ta' bhǎlengnger, ta' tjalonga ' otaba tjangkolang băn ta' bhoe-ngambhoeǎghi toronan karadhinanna.
Nèng tello taon Radhin Sorawijăsa sè asakola la kalowar, ladjhoe èpamaso' ka sakola'an pardjădji. Kabăḍă'ănna è sakola’an djăḍija bhăb pangadjhărăn băn tèngka-polana ijă bhăghoes kèja, èkalèboeri bi' roe-ghoeroena, tjoma tètèngkanna èlowar sè rosak; mon ngakan kodhoe sè man-njaman, ṭèṭèngèl kaangghoej, dhoedjăn ka roko' manèla, rè-saarèna ta' tao tjèttjèr bi' mènnja' ro'om, băoena asarèḍemman, talèbăt njossaè ka
