8
pòlè ngòtjaqaghi kakarḝbbhḁn sè tasempḝn è ḍalèm atè. Ijḁ-òtjaq sè bhḁkal kalòwara djḁrèja sè kòdhoe è djḁgḁ ghoe-ongghoe. Pandjḁgḁqḁn sè dḁq bḁrijḁ djḁrèja sè talèbat malarat, kòdhoe ngangghoej pekkèran, sè kḝmma òtjaq sè patot è pakalòwar, sè kḝmma sè kòdhoe è sempḝn è ḍḁlḝm atè, sòpadjḁ taq andhḁddhijḁghi sakeq atèna òreng sè ngèdingaghi. Addjhḁq ngòtjol òtjaq sè taq aghoena, lḝbbi bḝttjèq nḝng-ḝnnḝng mon è tembhḁng só tjaq-ngòtjaq sè taq aghoena.
Òreng paladjḁr (òreng paraòwan) matè è tasèq kèjabijḁsana. Bḁrijḁ kèja òreng sè bḁnnjaq tjatjana taq aghoena,sḝgghoet ta-tandoeng tjatjana dhibiq, kangsè tadjhḁroengngḝp bhḁdhḁnna, pas andhḁddhijaghi parkara sè taq pantḝs ijḁdḁri djhilḁ kèja asal mòlana.
Òreng pandijěm (nḝng-ḝnnḝng) addjhḁq è kèra kabbhibḝttjeq. Nḝng-ḝnnḝngnga běssè tantò tataènḝn ; nḝng-ḝnnḝngnga òbi aèssè.
Bḁqna kòdhoe èngaqa kèja, kòdhoe adjḁgḁ djhilḁna òreng laen, sè makalòwar òtjaq manès, sabḁb òtjaq sè dḁq bḁrijḁ tantò bḁdḁ sopprèna mongghoe dḁq ka bḁqna. Òtjaq manès djḁrèja addjhḁq è èdingngaghi bhḁï, kòdhoe è pekker, è tembhḁng-tembhḁng apa maksoddhḁ, kèjassa bḁn parsḝmmonna, sabḁb djhḁman satèja masoq djhḁman ngakan, bḁnnjaq òreng apòtěr bhḁlik.
È ḍimmaq-ḍimmaqa bhḁï bḁqna kòdhoe ngangghoej adhḁt sè patot, bḁbḁtěk sè bhḁghoes, bḁn pòlè kòdhoe anḍiq partengka andhḁp-asor, ngabḁs kakompòlan sapangkaddhḁ.
Addjhḁq ngalakònè partengka sè kakò è abḁs òreng laen, sakabbhina lalakonna kòdhoe è pekker ghḁlloe, sabḝlloenna kadhḁddhijan, sòpadjḁ bḝttjeq bḝkkasanna.
