18
Òreng sè mongker djhḁndjhina òtabḁ lèboer lètjek, tantò taq němmò kasěnněngngan è dhoennja. Mòlana bḁqna sè sattja sarta rang-těrrang bhḁi apa òtjaqna, sòpadjḁ baqna è adjhiqi òreng.
Paq-sapaqa òreng sè ngalaq bhḁrḁngnga òreng laen kalabḁn akkal tèpo, tantò ollè malò sarta òkòman.
Paq-sapaqa òreng sè andiq atè kanèadjḁ sarta taq sattja, tantò taq salamět òḍiqna, sarta sěgghoet němmò tjalaka.
Paq-sapaqa òreng sè aběrriqḁ kaontòngan dḁq ka bḁqna lěbbi dari mastė, djḁrėja sengghḁi, tantò òreng djḁrėjḁ karěp pa-apa, sè bhḁkal andhḁddhijaghi taq běttjeq.
Paq-sapaqa òreng sè taq apangrasa kalamon bhḁdhḁnna němmò tjalaka kèneq, tantò taq kèra njoròt ḍḁri tjalaka sè radjḁ sè bhḁkal tòmèbhḁ dḁq ka bhḁdhḁnna.
Paq-sapaqa òreng sè taq ngestòwaghi ḍḁq ka bḁboeroeghḁn běttjeq, taò kėja pentěr, tapė sağllana ollè hòkòman bḁn karògijḁn.
Paq- sapaqa maḍoempa dḁrḁna masamana, tantò ollè òkòman, maskė lòpot òkòman è dhoennja tantò è achèrat, sabḁb Alla taq kasamaran.
Sanaddjhḁn tatengkan djhoebḁq arėja tarkadhḁng andhaddhijaghi kabhoengaqan, addjhḁq sakalè-kalè èlakònė, karana tatengkan sè dḁq bḁrijḁ djḁrėja maròsakkaghi pekkèran sarta maèlangngaghi kasěnněngngan.
Sanaddjhḁn barammaqa bhḁi akkalla maleng sè ngerrěp kadjhoebḁqḁnna, abidha-abit tantò kataòwan kèja kadjhoebaqanna djḁrėja. Mòlana dhḁddhi òreng addjhḁq sakalè-kalė andip nèjat mamalènga.
