22
kabḁdḁqanna manossa è alam dhoennja arèja saleng balḝs. Èngaqa bḁqna ḍaq ka kabḁḍaqḁnna ròsaròwan. Bilḁ bḁqna njòwara è bḝngkò ghḝḍḍhoeng kalabḁn alos, tantò bḁqna è sambhidhi alos kėja tḝmmò ròsaròwan, kalamon bḁqna ngòtjaq kasar, tantò è sambhidhi kasar kėja.
Òreng sè ngalaq ḍiq-anḍiqna òreng laen kalabḁn fitna, tantò taq taò njengla ḍḁri òkòman bḁrḁmma masțèna.
Pangghḁbḁjḁn sè bḝrrḁq sarta malarat, kalamon è lakònè kalabḁn sabbhḁr sarta pèrak, ḝlla tantò sè dhḁddhi dhḁmmang sarta ghḁmpang.
Senglaè sakabbhina kakarḝbbhḁn sè kalòwar ḍḁri atè pòsang, djḁrėja kḝnneng anḍhijaghi ratjon sè arassa manès, molana òreng òḍiq kòdhoe tèngatè.
Òreng şè ghḁtak òtabḁ ghḝnḍhḁk, sḝgghoet nḝmmò kasangsaraqan, tapė òreng anḍhḁp asor, è maq dimmaqa nḝmmo kasḝnnḝngngan.
XVII
Apa ghoenana bḁqna ngalètjèkè òreng. Èngaqa bḁqna kalamon Ghoestè Alla taq kasamaran .
Isarat sè bhḁghoes sòpadjḁ njamana ngakan : 1º. lḝssò, sabḁb alalakon . 2º. pèrak.
Saongghoena sè èadjhiqi òtabḁ sè è hormatè òreng ghoeongghoe, bḁnnė kasòghijḁn bḁn kamoldjḁqḁn, ijḁ arèja: atè sottjè.
Bhḁghoessa ròbḁ, tḝktḝkka òtabḁ sòghḁqna bhḁdhḁn, bhḁkal èlang dhḁddhi aboe, tapè atè sè òtama bhḁkal atjadjḁ bḁdḁ è swargha.
Paq-sapaqa sè anḍiq atè òtama, sarta nèsḝr dḁq ka bhoeppaq bhḁbhoeqna, bhḁkal ollè ghḁndjhḁrḁn.
Salamḝt òreng sè bḁnnjaq kaontònganna, tapè kalamon taq kaloppaè atatòlong dḁq ka òreng mesken.
