24
Kalamon bada òreng sè badjhiq daq ka baqna, pas aghabaj fitna dap ka baqna, tapè fitna djarėja taq meddhiq, saollè-ollè òreng djarėja addjhaq èbalěs kalaban kanaksòwan, bhaliq òreng djarėja balěs kalaban kaběttjeqan, sòpadja andiqa pangrasa, sarta běkkasanna badjhiqna kabaqna èlang.
Addjhaq lėboer baqna aghabaj kasossaqanna òreng sè andiq kasalaqan daq ka baqna dhibiq, bhaliq baqna njapòraqa daq ka òreng djarėja, tantò radja ròmasana.
Addjhaq bhoenga baqna kalamon bada òreng sè němmò kasossaqan, sarta djhaq sossa mon bada òreng němmò kabhoengaqan. Sabab sanèjap òreng tantò pada è parèngè kabhoengaqan ban kasossaqan, sarta mohal sakalè mon badaqa òreng těrrò daq ka kasossaqan, nampek daq ka kabhoengaqan.
Kalamon bada òreng atjatja parkara kaběttjeqan, tapè taqtjotjok daq ka ngen-angenna baqna sè ělla è ghoeroewaghi, djarėja addjhaq sakalè-kalė pas è pěllang (ėlanglang), kalamon òreng djarėja taq asaddjha atanjaqa kabaqna sè kalòwar dari kakarěppanna dhibiq. Sabab sakabbhina òreng kalamon paněmmòna ètjalè, sanaddjhan panjalèna djarėja těppaq,òreng djarėja sakeq atè.
Addjhaq lèboer baqna atjatja ghaghadjadhan, òtaba salang: tjalè, sabab tjatja sè daq bariją kappranna ngélangngaghi tata krama, běkkasanna dhaddhi tjoma bhadhan. Daq bariją kėja kalamon baqna asaddjha makalòwara tjatja sè bada ghoenana, tapè ròpa-ròpana sè bhakal nampanè taq ěndaq, djarėja djhaq palares, sabab kalamon è paksa è palares, tjatjana baqna bhakal taq němmò parlò. Mòlana baqna makalòwara òtjaq, bhang-tembhang ghalloe dalěm pekkèran, tjatja apa sè bhakal tjotjok daq ka panĕmmona òreng djarėja.Tapè maskè daq bariją, addjhaq sakalė-kalė atjatja parkara ròsėja.
