26
Kalamon bḁqna è kabhḁrĕ̥ng atjatja òreng, addjhḁq sakalè-kalè bḁqna kol-ngongkòlè tjatjana òreng djḁrèja, sabḁb kalamon bhḁrĕ̥ngnga atjatja djḁrèja tĕ̥ppaq ḍḁq ka òreng sè bḁbḁtĕ̥gghḁ matengghi bhḁdhḁn, tantò pas tjèja pekkèrra, sabḁb kaong-kòlan tjatjana. Kalamon dḁq bḁrijḁ dhḁddhi bḁqna kĕ̥nneng kòtjaq taq djĕ̥hmbhḁr sagharḁnḁ. Lĕ̥bbi bĕ̥ttjeq tjatjana òreng dḁjrèja djhoengbḁbḁi bhḁi, tantò òreng dḁjrèja bhḁkal kalòwara tjatjana bḁnnjaq-bḁnnjaq. Bḁqna kòdhoe nembhḁng tjatja djḁrèja, sè kĕ̥mma bḁdḁ ghoenana, pas angghit bḁn sempĕ̥n ḍḁlĕ̥m atèna. Dhineng tjatja sè taq aghoena addjhḁq è pekkèrè sakalè-kalè, sabḁb kalamon è kèr-pekkėr, dḁjrèja pas ngalleqè sòghí òmong kòsong.
Addjhḁq bḁqna lĕ̥m-ngalĕ̥m òreng sè ĕ̥lla talèbḁt òmor lèma bĕ̥llḁs taon, sabḁb kalamon òreng dḁjrèja ĕ̥lla mòlaè anḑiq kalongèdhan, tantò ngartè ḍḁq tètengkan lĕ̥m-ngalĕ̥m dḁjrèja, dhḁddhi bĕ̥kkasanna bḁqna ètarka djhḁq anḍiq panjopprè pa-apa ḍḁq ka òreng sè lĕ̥m-ngalĕ̥m dḁjrèja.
Sè tḁlĕ̥bat parlò, sakabbhina òreng kòdhoe èadhḁdhi òtabḁ èanḍhḁp-asòrè. Tapè adhḁt èanḍhḁp-asòr arèja è papaḍḁ paḍḁ sanèjap òreng, kòdhoe è tembhḁng-tembhḁng bḁrḁmma masțèna sè bhḁkal è angghoej ḍḁq ka òreng bḁng-sèbḁngnga. Sabḁb kalamon kangsè talandjoeq, tarkaḍhḁng dhḁddhi ròsakka tatakramana òreng dḁjrèja.
Kalamon bḁqna adjhḁlḁn, bḁdḁ è lḁn-djhalḁn èbĕ̥rriq hormat tĕ̥mmò òreng kalabḁn aboekkaqè tòpi òtabḁ tandhḁ hormat en-laenna, sanaddjhḁn bḁqna ghiq taq taò ḍḁq ka òreng dḁjrèja, bḁqna dhoeli malĕ̥s ḍḁq ka kabĕ̥ttjeqnna òreng dḁjrèja, ijḁ mokkaq topi kėja òtaba aghḁghḁp topi òtabḁ abĕ̥rriq tandhḁ hormat en-laenna, sarta bḁqna ngangghoejḁ òlat manes, sabḁb kalamon taq bḁrijḁ, dhaddhi bḁqna kĕ̥nneng kòtjaq kaparótangĕ̥n kabĕ̥ttjeqanna òreng sè hormat kabḁqna dḁjrèja.
