15
È dhaloebang sẻ la eampar è mèdją sengkoq nantowaghi 2 titiq , opama M bạn N; è djadija pas pada ètattjěgghi panèti settong èbang Saellana bariją panėti M ban N pada ètaleqè mòsò kontjoqna settong talè běnnang òtabą ramè sè alos ; talè sè ètalèjaghi djarėja kòdhoe lěbbi landjhang sakòneq dari 2 kale gharis MN. Samarèna djarėja běnnang ghellaq èpatanjěng ngangghoej kontjoqna poqlot, sarta ladjhoe èòbhĕngngaghi daq sakobhĕngnga panèti M bạn N, nangeng paněgghoeqna poqlot kòdhoe djhěkdjhěk biq mòwana dhaloebang; bariją, kangsẻ marè aghambhar gharis mlĕngkong OADBCO. È boentĕrran landjhang djarèja bada gharis těngngana dadoewaq CD sè landjhang , AB sè pandaq.
Kadjhabha titiq boedjhělla (P), bada pòlè titiq laen 2 megghiq, ija djarèja M ban N, sè njamana titiq djhěl- boedjhĕllan. Mongghoe boentĕrran landjhang djareja kěnneng èkaghabbaj landjhang, kenneng taq patè landjhang, nòroq baramma djhaoe semmaqna titiq M ka N.
PATANJA.
DARI BHAB MOWA ATJĚM-MATJĚM.
- Tjatjah ghambhar madjhoe tělloq sè apaddhoe radja !
- Ghambhar tengghina madjhoe tělloq djarėja !
- È settong madjhoe tělloq se apaddhoe sèkò paddhoena sè settong 38°, barampa radjana paddhoe sè laen ?
- Koddha ghambhar madjhoe tělloq akanța djarėja ngangghoej kor-òkorra paddhoe !
- È settong madjhoe tělloq sẻ pada sòkòna paddhoe kontjoqna 56°, barampa radjana tong-settongnga paddhoe dhasar ?
