Kaca rèya marè èpamasthè
FATSAL I.
ḌĄRI BHĄB TITIQ, GHĄRIS BĄN PADDHOE.
- Ḍoe-ḍaḍoewan rèja amòwa ĕnněm megghiq; tong-settongnga mòwa masaghi těppaq, sarta sakabbhinna mowa ghĕllaq pada radjana. Mòwa djarèja taḍaq kandhĕllą; dhaloebang salemper sè paḍa kěbbhangnga mòsò settong mowana ḍoe-ḍadoewan sè ghellaq, kěnneng èòpamaqaghi mòwa djarèja, anggher dhaloebangnga èangghěp taḍạq kandhělla. Mòwa rèja loembrana ènjamaè nòroq bannjaqna bhoetjòna, òpamą: ABCD (ghąmb. 1).
- Mòwa sè masaghi těppaq djąrèja abątěs; bątĕssa anjama gharis; dhąddhi ghąris rèja bądą landjhąngnga bhąi, taḍąq lèbąrra bąn kandhělla. Ghąris kenneng èpataò, mon sengkoq mělkot dhaloebang salèmper, kěnnĕngnganna mělkoddha (pělkòdhąnna) djąrèja gharis. Ghąmbhąr nòměr 2 èòpamaqaghi ghąris, angghěr lèbąrrą bạn kandhellą mangsèna taq èpardoeli. Kapprana ghąris rèja ènjamaè ngangghoej aksara è kontjoqna bąn è bhoengkana, òpama:A B (ghąmb. 2).
- Ghąris rèja bąḍą kontjoq bhoengkana njamana titiq landjhąngnga, lèbąrra bąn kandhěllą; mòlana ghąmbhąr arèja (.) bąnnè titiq sanjatana, tjòma èòpamaqaghi bhąi.
- Mòwa rèja bąḍą ḍoe matjěm; bąḍą sè rata, akanṭa mòwana ḍąḍoe; bąḍą sè kěmboeng (mlěngkong), òpama mowana těllor.
Sè bhakal ètjarètaqaghiją è ḍąlěm boekoe rèja tjòma mòwa rata.
Barija kėja baḍa gharis lòros (madjhoe), òpama AB (ghamb. 2); bǎḍă sè biloeq, òpama CD (ghamb. 3).
