Kaca rèya marè èpamasthè
6
- Ghḁris AB (ghḁmb. 4) kenneng ètambḁi ghḁris BC, kangsè ollè gharis AC. Tabhḁligghḁ ghḁris AC kenneng èkòrangè ghḁris BC, karèna ghḁris AB. Ghḁris AB (ghamb. 5) kěnneng èpòkollaghi pḁn-barampḁn kalè, òpama 3 kalè. Ḍḁq-aḍḁqna AB èsambhoengè, saĕllana djḁrèja AB pas èòkorraghi ḍoe kalè agghiq ḍḁq sambhoenganna AB, kangsè ollè AC 3 X AB. Tabhaliggha AC kěnneng èbagi dhaddhi tělloq bḁgijḁn sè paḍḁ. Bḁtěggha ghḁris: ghḁris rèja kěnneng ètambai, èkôrangè, èpokollaghi ban èbagi.
- Ghḁris ḍaḍoėwḁq kěnneng paḍḁ ĕnnĕrra, òpama AB bḁn CD (ghḁmb. 6); bhạb sè bḁrijḁ djḁrèja biq oreng èkòtjaqaghi ghḁris sadjhḁdjhḁr (sadjhḁlḁn); ghḁris ḍḁḍoewḁq djḁrèja maskè èpalandjhḁnga bḁrḁmpaqa kalè, taq ghĕllěm atěmmò. Těngngĕrra òtjaq sadjhḁdjhḁr, ijḁ arèja || ; dhḁddhi AB || CD, artèna AB sadjhadjhar mòsò CD.
- Mon ghḁris ḍḁḍoewḁq taq paḍḁ ěnnĕrra, dhoemen paḍḁ èpalandjhḁng (ètěrrossghi) tantò atěmmò kèja, òpama AB bạn CD (ghḁmb. 7). Sambhoenganna ghḁris ḍḁḍoewḁq djḁrèja atěmmò è titiq E; ghḁris BE bḁn DE èkòtjaqaghi andhḁddhijaghi settong paddhoe. Ghḁris sè ḍḁḍoewaq (BE bḁn DE) anjama sòkòna paddhoe, sarta mon-těmmonna (kěnnĕnganna atĕmmò) njamana kontjoqna paddhoe. Paddhoe loembrana ènjamaè nòroq aksara è sòkòna, angghĕr aksara è kontjoqna èsabḁq è ngaq-těngngaqanna, òpama paddhoe ABC (ghamb. 8). Kěnneng kèja ènjamaè nganggoej settong aksara, òpama paddhoe a. Òtjaq paddhoe kĕnneng èghanteqè tanḍhḁ ∠, òpama ∠ a.
- Mon bḁḍḁ ghḁris ḍaḍoewḁq atapa-ḍḁngḍḁng (lang-kaleng),
