5
pangamokka angèn salaboeng djărèja, satèja njèllem on-laonan tasè' kalaban saèssèna kabbhi: tjoma ḍokter kapal anjama Gulliver salamet ngennèng ngantang, ladjhoe alangngoj noro' aros, alabân panempona ombă' sambi nalèktèkè kangan-katjèr, nangèng ta' nangalè kantjana sabighiâ.
Bit-abit Gulliver arassa korang kakowatanna, ella ngèra djhǎ' bhǎkal matèa, anangèng ma' ladjhoe sokona arassa nèddhǎ' tana, pas entas ḍă' pèngghir. Sakèng lessona, arangka' ḍă' tèngghăngan. Sarrèna ta' nemmo kadjoeǎn otabă pangaopan, ladjhoe marobbhoe djărèja ḍă'-panḍă' sarta empo', molana è bhǎ-rebbhă. Rebbhǎ kapatè ḍări lessona. Gulliver ta' tao tatèḍoeng ladjhoe Gulliver bărămpa abiddhǎ sè tèḍoeng èdjăḍijă. Bhǎreng mella', ella tjè' sèjangnga, arèna la tèngghi, tjahjǎna teppa' ka mowana. Pangarana asaddjhă terro alontja'a, terro taoa, băḍă èḍimma abă'na djărèja, otabǎ amè' atemmo băn kantjana sarta paraona, nangèng abǎ'na ta' kowat maghoeli soko tanangnga bhălăkka'. Djhă' engghăn ma ra djǎrèja, maghoeli tjèṭakka bhai ta' kellar. Dă'-aḍă'na èkèra, djhǎ' lompona djǎrèja marghǎ takerdjhǎt băn lessona.
Nangèng Gulliver tjè' tadjadjǎ'na bhǎreng tao, djha' bhǎdbănna aghentang è tana, lengngen bån sokona, la-mala ghărighi'na tanangnga băn oboe'na sakalè èpanggher ka tana, bhadhǎnna molaè ḍări bhǎoe kangsè ḍǎ' tjatjeṭṭèkka èkarabăt talè sè alos nangèng tjè' tegghoena, malang ḍări kangan katjèr.
Nalèka Gulliver ghi' kèr-pèkkèran, bărămma abăʼna ma' pas alè talè, sarta asaddjhă djhăghă'ă polè, pas ngèḍing sowara sa' karasa'an neng èseddhi'na, sarta arassa băḍă pa-apa sè agărădjăng è sokona, sarta ongghǎ on-laonan kangsè napa' ka dăḍăna; tjè' njangsarana Gulliver sè ngabăsa ka sokona. Ghettonna ta' djhăma' bhǎreng radjana njèng satondjhoe ' tengngana, asèkep nangalè orèng ghăghăman, pana băn ghănḍhibăna, ngòndhoeng èndong [1], padjha lănna tè-ngatè njemma'è mowana Gulliver. Gulliver nangalè kèja, djhă' băḍă orèng pa' polo orèng nit-kinit polè, sè ngèrèng orèngbhoeroe.
Ḍǎ'-aḍă'na Gulliver ta' partjadjă dă' apa sè ètangalè djărèja, pangamokka ḍă' dhăsarra èkèra aba'na amèmpè bhăi. Nangèng bit-abit njata ongghoeăn, sabab rèng-orèng nit-kinit djărèja sadjăn anga-bhoenga, njellek aghăribbhoeng abăʼna, pangabǎssa nalèktèk ghennèk, katara ḍări tadjhemma matana sè nit-kinit kèja, sarta tètèla djhǎ' tjè' mengnga'na, margha atemmo băn orèng sabărijă radjana. Li-băliăn kak-ngalakkak sarta aorak, nandhǎ'aghi djhǎ' kemboeng sarta mengnga' tjamboer bhoenga, sowarana mara kerrèkka djhǎngrèk.
Gulliver pas atanja ḍă' rèng-orèng sè paḍă njemma'è djărèja, patanjana ararèngen, arapa abă’na ma' èpèngkot, sarta atanja kèja naghără djăḍijă naghără apa njamana. Ngèḍing sowarana Gulliver,
- ↑ băddhăna djhămparèng .
