6
rèng-orèng nit-kinit paḍă takerdjhăt, boeroe ngepprong, pal-tapèlpal sakellarra sokona sè nit-kinit, la-mala băḍă sabătara sè laboe adjhoempalèt njongsang njonglet ḍări bhădhănna Gulliver, sakèng ḍări posangnga.
Nangèng bhăreng paḍă tao, djhă' Gulliver ta' kellar mapegghǎ' pèngkotanna, ladjhoe paḍă abăli, la-mala băḍă sèttong sè băngal ongghǎ ka ḍăḍăna terros njemma'è mowana. Orèng djărèja pas atjerrèng li-băliăn tanangnga goej-ragoejăn: „Hekinah Degoel. „Rèng orèng sè laèn paḍă nènḍhă'aghi bărijă kèja. È laèn arèna Gulliver tao ḍă'ka ma'nana otja' djărèja: ,,Orèng mara ghoenong otabǎ bhoeta."
Gulliver nalèka djărèja ta' ngartè ḍă' maʼnana patjerrèngnga rèng-orèng bhoeroe. Serrèna ella ghellǎ' mola sè èdhă'-èddhǎ' rèng-orèng nit- kinit djǎrèja, Gulliver ghaghiren, ladjhoe tanang kanganna èsen ta', tjètakka èèrsèt, ta' pardoeli sanaddjhăn oboe'na bănnja' lotjot.
Rèng-orèng nit kinit djărèja ladjhoe njorot abhintal, sè sèttongaparènta bărija: ,,Tolgo Phona!" Ta' talangkè polè ella lebbi ḍări saratos pana ngennèng ka tanang katjèrra Gulliver, radjăna panabhoeroe ḍă-paḍă băn djhăroem; djărèja lakona ḍoe-sarḍăḍoe nit kinit ghella'. Sè sabănnè mana ka băng-abăng, ghăgghărră pana băḍă sè teppa' ka bhǎdhănna Gulliver, nangèng ta' antjep ḍǎ' angghoejjǎ bhălăkka'. Băḍă polè sè mana ka mowana, ḍări tako'na mè' kangsè matana ètjapo', dhăddhi bi' Gulliver ètokopè bi' tanangnga sè kangan.
Gulliver asaddjhă malotjota talèkonganna polè, nangèng sèpat abǎ'na aghoeli, ladjhoe èotjolè pana aratosan. Molana Gulliver pas neng-enneng meddhet mamatè sarta ta' ngas-bhălingasan, sopadjă bhădhănna ta' sadjăna sakè' ètjapo' pana. Bhǎreng rèng-orèng sè bănnja' djărèja tao, djhă' bhoetana ella makettek, pas amboe sè manaè.
Kamengnga'anna Gulliver sè mèkkèrè apa sè ètangalè èdjăḍijă, ella ta' kennèng ètjarèta'aghi polè. Sè èkotja' ka'-bhoengka'an sè tèngghina nokdhoek langngè', djărèja tjoma dă-paḍăna ghălăghăs. Èaḍă'ănna băḍă tana lapang[1] possa’ băn sarḍăḍoe, sabănnè băḍă sè nompa' djhărăn. Kaotja'a djhărănna djărèja radjăna paḍă băn răn-djhărănanna na'-kana' kènè'. Semma' ka kopèng katjèrra Gulliver èpaddhegghi pangghoeng, tèngghina ra-kèra satengnga kakè. Bhǎreng ella ranta, ladjhoe băḍă sèttong pangradjă, katara ḍări bhăghoessă angghoejjă, labăn pangèrèngnga katello, ongghǎ ka pangghoeng djărèja. Ḍări djăḍijă ladjhoe tja'-ngotja' ḍă' Gulliver, nangeng Gulliver ta' ngartè sakalè apa sè èkotja'aghi ka aba'na djǎrèja.
Salaènna ngotja'aghi momolan sè mènangka pamokka’na bitjara, pangradjǎ ghella' ladjhoe aberri' parènta ḍă' orèng sè băḍă
- ↑ lon-alon.
