35
Ella ta' pardoeli bǎrǎmma'a bhǎi, kaptèn asaddjhǎ manjèngla'a kapalla ḍǎri aros sè ambhǎbhǎdjǎnè djǎrèja. Kaptèn ladjhoe ongghǎ ka pangghoeng pangomanḍóan, sarta pas aparènta bǎrijǎ, kalabǎn salomprèt: otjol ladjǎr aḍǎ' bǎ-bǎbǎ!
Sowarana komanḍó djǎrèja tjoma èkaèḍing mat-lamat. Ta' abit ladjǎr aboekka' ber-gǎlebberrǎn, kellatta pas ètalèaghi.
Kaptèn aparènta polè:
„Otjol ladjǎr è tèjang aghoeng!"
„Otjol kellatta kabbhi!
„Polang kamoḍhina!"
Ḍǎri berrǎ'na panekketta ladjǎr ètjapo' angèn, sowarana parao sè apolang patang katjowak. Angèn bhǎrǎt nongngo' ladjǎr sè bhoeroe ètalèaghi polè, ta' abit paraona njarèttjèng ḍǎ' kennengngan sè èkareppaghi kaptèn; nangèng ladjhoe ètjapo' aros polè, parao èlanjo' èkabhoeroeaghi.
Sopadjǎ kapalla ta' mèrènga, djǎr-ladjǎr sè ghi' bhoeroe èbǎbbǎr ghellǎ' kodhoe ètèrep polè. Parao noro' bhǎi sakareppa ghilina aros.
Ḍǎri pangghoengnga tèjang aghoeng ladjhoe bǎḍǎ sowara bǎrijǎ:
„Èaḍǎ' bǎḍǎ ḍhǎrǎdhǎn!”
Rèng-orèng paḍǎ atolè ḍǎ' alowanna kapal, sambi takerdjhǎt bǎn tako'.
Ladjhoe èkèḍing polè sowara: è kangan bǎdǎ ḍhârât; è katjèr bǎḍǎ ḍhǎrǎt!
Kapten Nikolaas ngabǎs ka kangan katjèr masè ta' anḍi' atè èḍǎlem. È kangan katjèr bǎḍǎ ghoenong bato ghi-tèngghi. Dhinèng paraona masè ngabbherrǎ akanța pana leppas ḍǎri ghǎnḍhibǎna, njellor è antarana ghoenong djǎrèja.
„Kaaḍǎ' teppa'!" Bǎrijǎ parèntana kaptèn ḍǎ' djhoermoḍhi; sowarana aro-saroan neng-è ghoenong bhoeroe. Paraona ijǎ ghi' noro' ḍǎ' parèntana kamoḍhi. Avonturier alontja' polè noro' ombǎ', tao-tao ladjhoe bǎḍǎ neng-è tasè' sè anteng. Ghoenong bǎto kangan katjèr taḍǎ', tasè'na bhersè taḍǎ' rang-karangnga. Bǎrijǎ sè ètangalè èḍǎlemma petteng alèmonan djǎrèja. Rèng-orèng èssèna kapal mara sè amèmpè.
Pangamokka salaboeng, ghǎroeḍoe'na angèn bǎn ombǎ' ghi' èkaèḍing mat-lamat è djhǎoena. Aèng aghoeli on-laonan, masè ngellos lambhoengnga Avonturier. Avonturier alènggǎng mèjak aèng tasè anteng ghellǎ'.
„Aḍoe Alla, sokkor dhoelat kaoelǎ sadhǎdjǎ katolongan salamet ḍǎpa' telloe.' Bǎrijǎ sokkorra kaptèn Nikolaas ka Alla, ladjhoe ètoro'è sowara ḍǎri djhoeroe bǎto:
„Doewǎ bellǎs ḍeppa!
Kapten Nikolaas aparènta: „Tjabbhoer djhǎngkarra!
——————
(¹) onbǎ' radjǎ
