36
Ngarettjek sowarana djhǎngkarra sè maso' ka tasè'. Paraona masè ètadjhǎ'ǎ ḍǎ' bǎbǎ, pas ladjhoe neng-enneng ta' aghoeliǎn.
Rèng-orèng èḍǎlem parao sè la paḍǎ gheddhoer ban lesso marghǎ bhabhǎdjǎ djǎrèja, ladjhoe paḍǎ tèḍoeng kapatè kangsè paddjhǎr. Sè adjǎgǎ tjoma kaptèn bǎn mattroes sabǎtara, neng enneng è eḍḍèk; neng-è parao soboeng taḍǎ' kasa'na pa-apa, kadjhabhǎ kalesserra njabǎna sè paḍǎ tèḍoeng.
Bhǎreng ella potè tèmor, arè kabit njonarè langngè', kaptèn Nikolaas ladjhoe bǎs-abǎsan ka kangan katjèr. Paraona alabbhoe neng-è telloe'. È tjongappa telloe' djǎrèja bǎḍǎ ghoenong bato, akanțǎ ghǎpora tjopè', sè ngella'è tasè' bǎn telloe' djǎrèja. Mengnga'na ta' djhǎma', mèkkèrè paraona sè alebbhoe dǎ' djhǎlǎn tjopè' bhoeroe, ta' kalabǎn taantor ḍǎ' bǎto.
Neng-è pèngghirrǎ telloe' sè saladjǎ, bǎḍǎ alas radjǎ sarta ghoebhet, djhǎoena ḍǎri ghir sèrèng antara ḍoewǎ ratos mèter; mon ngabǎs radjǎna ka'-bhoengka'anna, tanto alas bhoeroe omorra ella atosan taon; è pèngghir saladjǎ'ǎnna bǎḍǎ ra-ara sè ta' pabǎngennan lèbǎrrǎ, ètomboei rebbhǎ sè tèngghina saorèng. Eboeḍiǎnna alas katon masè bǎḍǎ okos ngolboe'; nanḍha'aghi djhǎ' èdjǎḍijǎ èkennengngè orèng.
Bhǎreng para mattros ella paḍǎ djhǎghǎ, sè saparo èsoro mateppa' karosakan, marghǎ sè ètjapo' bhǎrǎt malemma, èkapalaè tokang kadjoena kapal. Sè laèn èberri'i sèkep ghǎghǎman, sarta èsoro matoron sakotji aèssè ettong koṭong, parlo èpangala’a aèng ka ḍhǎrǎt, èkapalaè serrang pangaḍǎ'.
Gulliver bi' kaptèn èlèllanè noro' toron ka ḍhǎrǎt. Saddjhǎna Gulliver bǎs-abǎssana è ghir sèrèng, mè'-amè' nemmo boe-tomboeǎn otabǎ bǎn kèbǎn sè anè.
Antara saparapat eddjhǎm sè aḍhǎdjoeng, sakotji ella napa' ka pèngghir sèrèng, troes-mattroes ladjhoe paḍǎ ongghǎ ka ḍhǎrǎt kalabǎn ghǎmpang; nangèng ta' nemmo songaj otabǎ sombher, bǎrijǎ kèja ta' nangalè lampatta orèng sakalè.
Ḍǎri parèntana serrang, orèng sè kaempa njèttjèr noghoei sampanna, dhinèng sè laèn adjhǎlǎn noro' pèngghir sèrèng njarè aèng ènom.
Padjhǎlǎnna Gulliver bǎng-èbǎngan parlo njarèa boe-tomboeǎn. Edjǎḍijǎ talèbǎt bǎnnja'na boe-tomboeǎnna, ḍǎoenna bhoes-ghoembhoes ngabhiroe. Bhǎreng Gulliver napa' ka attassa sèttong ponṭok bǎto sè bǎnḍoeng taḍǎ' boe-tomboeǎnna, arassa lesso sè rè-sarèan; abǎʼna asaddjhǎ abǎliǎ ḍǎ' kennengnganna sampanna. Tadjǎdjǎ'na Gulliver ella ta' kennèng ètjarèta'aghi, bhǎreng tao djhǎ' kantjana ella paḍǎ bǎḍǎ neng-è sampan, aḍhǎdjoeng sakellarra abǎli ka kapal, ta' alǎ-bǎlǎ ghǎlloe ka abǎ'na. Gulliver asaddjhǎ ngèṭṭa'a kantjana sopadjǎ malèana abǎ'na, nangèng boeroeng, sabab nangalè bǎḍǎ raksasa radjǎ, seḍḍhi ararèngen atjabbhoer ka aèng kangsè ghǎn to'otta, tjara sè berka' nabǎng
