38
masè lorana sè laèn. Orèng djǎrèja aberri' parènta, nangèng Gulliver ta' ngartè ka otja'na. Sè kalèma nonḍoe' aonggoe', akanța sè mator èngghi, ladjhoe molaè arabǎs gǎndoem pangètekkanna Gulliver.
Sowarana sè arabǎs ta' abhidhǎ bǎn bǎlǎnḍoeng mogherri djoe-kadjoeǎn neng-è alas. Gulliver takerdjhǎt, ladjhoe njarè panjèngla'a boeroeǎn, sopadjǎ njèngla'a ḍǎri pangamokka arè'na raksasa djǎrèja. Nangèng ta ' ngennèng ghǎghǎntjangan , sabǎb dhǎrǎmèanna tjè ' rapetta , malarat sè èsono'ana.
Bhǎreng napa' ḍa' sèttong kennengngan sè dhǎrǎmèanna paḍǎ robbhoe, marghǎ ètjapo' odjhǎn bǎn angèn, Gulliver ella ta' ngennèng boeroe polè; mangka raksasa pangarè' djǎrèja ella sadjǎn semma' ḍǎ' kennengnganna Gulliver.
Gulliver ella arassa lo'lo', ladjhoe njarè kennengngan è ghǎk logghǎgghǎ bhoengkalatan, anantè' paḍǎtengnga papasțènna sè kobǎsa. Satèja Gulliver ghi' bhoeroe ènga' ban kasta, djhǎ' abǎʼna tjè' ghǎmpangnga adhina'aghi ana' binèna neng-è naghǎrǎna, tjoma norotè angkarana napsona sè alalana'a ngèdherri bhoemè, kangsè abǎ❜na nemmo tjalaka' sè njaḍhǎngè patè ḍǎ' abǎ❜na.
Bhåreng sala sèttongnga raksasa saellana tjè' semma'na ḍǎ' Gulliver, Gulliver ladjhoe atjerrèng ta' sakèra-kèra, marghǎ tjè' tako'na sè èkennènga tèddhǎ' otabǎ sè ètjapo'a arè', ta' boeroeng abǎʼna toghel dhǎddhi ḍoewǎ'. Raksasa amboe sè ngarè', ladjhoe ngabǎs ḍǎ' bǎbǎ, terro taoa apa sè amonjè è tana djǎḍijǎ. Bhǎreng nangalè dǎ' Gulliver, ladjhoe ngenḍǎ' nossèng, tjè' tè-ngatèna sè mèghǎ'ǎ Gulliver, akanța orèng mon mèghǎ'ǎ kèbǎn kènè' sè ghi' bhoeroe tao ètangalè. Gulliver ghi' asaddjhǎ boeroeǎ, nangèng ngasèp, abǎ'na ella èkennèng pègha raksasa, èdjhipè' labǎn pol-empolan bǎn tondjhoe'na, èlang-tèlang èpasemma' ka matana sopadjǎ terranga. Nangèng antarana Gulliver bǎn matana raksasa ra-kèra bǎḍǎ samèter.
Gulliver satèja ella narèma ḍǎ' takdirra bhǎi, neng-enneng makettek sanaddjhǎn roso'na amonjè karoto’an, marghǎ sè èdjhipè' raksasa djǎrèja. Tanangnga èadjoem, bǎrǎmma tjarana orèng Bǎlǎndhǎ mon mènta'a ampon, sarta aserro las-mellassaghi, sopadjǎ èotjola ḍǎri tanangnga raksasa djǎrèja.
Robǎna raksasa djǎrèja tjè' mengnga'na dǎ' tèngkana Gulliver; Gulliver pas èpalebbhoe ka kapèngnga rompina, sè malebbhoe tjè' tè-ngatèna, akanța sè njabǎ' kèbǎn sè tjè' anèna, abǎ'na ladjhoe ghǎntjang berka' dǎ' lorana. Gulliver arassa kontjang dǎri ghoelina bhǎdhǎnna raksasa djǎrèja, abǎ'na masè ngalto'a.
Bhareng raksasa napa', apa sè ètemmo djǎrèja ladjhoe èto dhoeaghi dǎ' lorana, ijǎ arèja orèng tanè tokang njèwǎ tana[1]. Orèng djǎrèja ijà tjè ' mengnga'na kèja. Gulliver èlang -tèlang ladjhoe èserrop, sopadjǎ terranga ḍǎ' mowana , sabab dǎina Gulliver
——————
- ↑ Pahter tana
