42
tékos, tèkos matè angghǎta' è sokona; dhinèng tèkos sè laèn ladjhoe boeroe.
Gulliver ghi' tjar-kantjèr èattassa sapo'na rep-ngarep mandhǎr bǎḍǎ'ǎ orèng ḍǎteng; tèḍoenga polè ta' bǎngal, torona ḍǎri ka tèḍoengan ta' ngennèng, sabǎb lèntjakka tjè' tèngghina. Ta' antara abit raksasa binè' ḍǎteng, njapota Gulliver. Abǎ'na tjè' mengngana nangalè tjarokka Gulliver bǎn tèkos ghellǎ'. Gulliver ètjanḍhǎk ètjèjomè, ladjhoe èghibǎ ḍǎ' kamarra ana' binè'na èsabǎ' èattas mèdjǎna. Gulliver masongar nodhoeaghi ettjèssa sè boeḍḍhǎk ḍǎrǎ.
Raksasa binè' ngolok ana' binè'na, aomor sangang taon, raddhin robǎna sarta pènter, èsoro atoghoe Gulliver bi' sak-èsak, sabǎb abǎ'na ghi' bǎḍǎ lakona è kebbhoen.
BHǍB II.
Gulliver napa' ḍǎ' koṭṭa.
Dǎ'-aḍǎ'na Gulliver abǎk tako' ḍǎ' kana' djǎrèja, amè' abǎ'na èkaèn-maènan otabǎ ètja-antja. Nangèng endja', la-mala na'-kana' djǎrèja tjè' paratènna ḍǎ' abǎ'na. Gulliver èpamara na'-enna'an, èghǎbǎjjaghi katèḍoengan kènè' apolong bǎn bǎḍchǎna na' enna’anna. Radjǎna katèḍoengan djareja ta' bhidhǎ bǎn katèḍoenganna abǎ'na neng-è bengkona. Djǎng-randjǎnganna na'-enna'an djǎrèjǎ sè èkatèḍoengè Gulliver saabiddhǎ enneng è bengkona raksasa. Kateḍoengan pettè masaghi. Pettè djǎrèja bhoeroe èbáḍḍhǎi ètompangngaghi èattassa ondjǎnan, sopadjǎ Gulliver ta' èlo'alo'a kèbǎn saabiddhǎ tèḍoeng. Bǎrǎmma rassana atèna Gulliver è randjǎng sè empo' djǎrèja, kabbhi orèng tanto tao.
Bi' kana' djǎrèja Gulliver èghǎbǎjjaghi salebbǎr ḍǎri kaèn sè tjè' alossa. Nangèng los-alossa kaènna raksasa, ghi' akasaran ḍǎri kaèn sè tjè' kasarra mongghoe ḍǎ' Gulliver .
Kana' binè' djǎrèja sè dhǎddhi ghoeroena Gulliver, adjhǎr otja'na raksasa. Ghoeroena djǎrèja nodhoeaghi rǎng-bhǎrǎng, èkotja'aghi bǎn njamana sakalè. Antara pan-bǎrǎmpan arè Gulliver ella ngartè tja'-otja' sabǎtara, kennèng èkabhǎnḍhǎ makalowar ghǎndhoe'ǎnna atèna. Gulliver èberri'i njama: „Gildrig" Rèng-orèng èḍǎlemma bengko djǎrèja kabbhi noro' pato njambhǎt bǎrijǎ, kangsè kalantor dhǎddhi njamana saabiddhǎ Gulliver enneng è Brobdingnag. Dhinèng maʼnana otja' djǎrèja paḍǎ bǎn otja' Latijn: „Homunculus," artèna: ,,Orèng kinit."
Ella bhǎrǎng tanto lekkas bǎlǎttra è kangan katjèrra bengkona tokang njèwǎ tana djǎrèja, djhǎ' abǎ'na nemmo orèng anè nè'-kènè' neng-è sabǎna. Orèng bhoeroe ijè tjè' paḍǎna moso orèng ongghoe,
