44
Gulliver. Parlona kan èpamara djǎrèja, sopadjǎ Gulliver ta' njangsara'a mara sè ella kalakon. Bǎrijǎ kèja Gulliver mon terro kalowara, ijǎ ladjhoe èkala' ḍǎri bengkona, èpakalowar ma' ollè njerghoe' hawa sè njaman, sarta ma' ollè bǎs-ngabǎssaghi paanapan è kangan katjèrra lorong. Dhinèng padjhǎlǎnna djǎrèja nompa' djhǎrǎn. Saellana ollè sapalo arè, Gulliver ella napa' kalabǎn salamet ḍa' koṭṭana karaton sè anjama Lorobgeroelgeroed.
Sèpat amboe è salandjhǎngnga djhǎlǎn, Gulliver èkomèḍiaghi. Raksasa tanè bǎnnja' ollèna pèssè, sabâb bǎnnja' orèng ḍǎri man-ḍimman sè paḍǎ ḍǎteng nèngghoe Gulliver.
Sanapa'na dǎ ' koṭṭa , raksasa tanè ladjhoe njèwǎ bengko è pèngghir lorong radjǎ èseddhi'na karaton. Neng-è pan-bǎrǎmpan sorat kabǎr ladjhoe èsèjarraghi berta bhab datengnga orèng kinit djǎrèja, sarta sanèjap kennengngan è dhoeng-gheḍdhoeng èdjhilidhi dhǎng -ondhǎng sè bǎrijǎ monjèna:
Kaanèanna alam sè mashoer,
kontjara, taḍǎ' nanḍhingè.
Bhoeroe onèng èmaènnaghi sakalean mangkén.
Orèng sè tjè ' kinitta è alam dhoennja!
Pasèra sè ghi' kowat, adjhǎlǎn dhibi'; rèng towa rèbing, na'-kana' embhǎn ghibǎ nèngghoe rèng kinit panèka; pasèra sè ta' nèngghoe tanto kasta sao morra , sabab tjoma saka
lèan mangkèn bhǎi sè è maennaghiǎ.
Nèngghoe! Nèngghoe !! Nèngghoe !!!
——————
Kalagghoeǎnna ghi ' tjè ' lagghoena ella bǎnnja ' orèng sè aghǎ ribbhoeng eaḍǎ'ǎnna bengko kennengnganna komèḍi Gulliver. Mosik sè monjèna masè mabheḍdha'ǎ dhǎng -ghendhǎnganna kopèng, amaèn èaḍǎ'ǎnna bengko djǎrèja, sopadjǎ maghintranga atèna rèng -orèng sè padǎ ngèding. Sapa sè ella maso', lèboer bǎn senneng ongghoe atèna dǎ ' apa sè ètangalè èḍǎlem bengko djǎḍijǎ, sabǎb sanjatana padjhǎt ghi' taḍǎ' raksasa sè tao nangalè orèng satondjhoe' mara Gulliver . Terros ka orèng sè ter-pènter bǎnnja' sè paḍǎ nèngghoe, sarta njarèta'aghi bhǎngsa bǎn asalla Gulliver, sèttong bản settongnga ta ’ tjotjok panemmona kangsè andhåddhiaghi gǎriddoe'.
