46
kadhibi' ijă arèja Gulliver. Apa sè èkapèrak, ijă arèja sè ollè dări raksasa tanè; sabăb abă'na tjoma abhoeroe pèssè bhăi sarana ngomèdiaghi Gulliver, nangèng ta ' mardoeli sakalè dă’ sake' otabă bărǎssa.
Raksasa tanè ladjhoe dhoeli èbhădjhări bi' mantrè gheddhoengnga Sang Rato saarghăna Gulliver. Bhareng raksasa tanè ella ondhoer ḍări karaton sambi ngèbă pèssè, Gulliver ladjhoe ètampa bi' Dhin adjoe Rato èbhakta ḍa' kamarra Sang Rato, ma' ollè èolatè.
Serrèna pangghăliănna Sang Rato kerras, bădhănana angkreng katara djhǎ' semmo ghendhak (1) bhareng ngolatè Dhin adjoena rok-ngèrok alebbhoe ḍa' kamarra, ladjhoe bhendhoe, pangandhikana: ,,Djoe, dhika napè ta' tao, djhă' boelă ghi' rèpot bi' parkara paparènta'an naghără, ma' dhika parlo lor-njellor aghibǎ kèbăn kinit ghǎnèko. Pangrasana dhika napè ghănèko aparloan băn parkara boelă?
Robăna Dhin adjoe Rato ella bijăsa dă' pangandhikana rakana sè ghendhak djărèja, molana ta' takerdjhăt sarta ta' njorot; Gulliver pas èsabă' è mèdjă panjerratanna Sang Rato, ladjhoe èdhika'aghi mator ḍâ' Sang Rato sakabbhiănna lalakonna sè kadjhălănan. Gulliver mator kalaban rèngkes, nangèng anjen nengngaghi Sang Rato sè mèjarsa'aghi atorra Gulliver, kasam boe'na sadjǎn abit sadjăn radjă.
Bhareng Gulliver amboe sè atjarèta, Geloemdalkelit ladjhoe ètèmbhǎli ḍă' kamar, èpa:èksa bhender otabă endjă’na kanḍhăna Gulliver djărèja. Atorra Geloemdalkelit: lerres sadhădjă, Ghoestè.
Ḍǎ'-aḍa'na Sang Rato njangka, djhǎ' Gulliver djărèja na'-enna'an sè tao li-ghoeliăn dhibi', nangèng bhareng mèjarsa Gulliver to mator kalaban okara sè teppa' sarta djhoentrong sè ngandhǎ'aghi sakabbhiănna lalakonna, mengnga'na Sang Rato ta' djhăma'. Băbărijă kèja Sang Rato ghi' ta' dhoeli partjadjă ongghoe dă' Gulliver, molana pas makon nèmbhali tello' podjhăngghǎ sè ter-pènterran è naghără djăḍijă, èdhika'aghi marèksa.
Podjhăngghǎ sè katello ladjhoe padă nètè parèksa kalabăn salèssè kabăḍă'ănna bhâdhănna Gulliver. Dhinèng panemmona abhidhă-bhidhâ, nangalè ḍări kabăḍă'ǎnna bhâdhănna băn bhăngsana otabă matjemma. Sè katello paḍă mofakat djhă' Gulliver dhăddhina neng-è dhoennja, ta' mètorot wètta koddrăt sè kappra, molana kareppa sè katello lebbi bettjè' Gulliver sèmpen bhăi èḍălem sapirtoes, sopadjă kennènga èkaghăbăi tatèngghoen ḍă' na'-poto paghi'.
Podjhǎngghǎ sè kaḍoewă paḍă ngèra, djhă' Gulliver ta' kennèng ènjamaè bhăngsana orèng, nangèng kabilăng bhăngsana kèbăn. Dhinèng podjhăngghǎ sè nomer tello' ngaranè, djhă' Gulliver tjabhoel sè nè'-kènè'an. Nangèng serrèna tjabhoel naghără njèngghă"
(¹) dhoeson==wa -powa dhoeka." 1
