48
èḍǎlem karaton, molana bi' Dhin adjoe Rato ladjhoe èpakon ghǎbǎjja-ghi ḍǎri sottra sè los-alos. Dhinèng pakakas pangakananna kabbhi ḍǎri salaka: toboengnga, pèrèngnga, sènḍo'na, garpoena bǎn laddhingnga. Mon teppa' ḍhǎḍhǎ'ǎrǎn, Gulliver èsabǎ' èattas mèḍjǎ kènè' bǎn korsè kènè'. Gulliver todjoe' è korsèna ngadhebbhi mèdjǎ ngakan kèja, aghǎbǎj bhoengana moj-tamojja Sang Rato sè paḍǎ aḍhǎḍhǎʼǎrǎn.
Sang Rato tjè' kasokanna ka-ngandhika moso Gulliver; abǎ’na èpakon atjarèta bǎb bhǎngsana bǎn naghǎrǎna, apa polè rǎ-naghǎrǎ sè ella tao èèntarè. Bǎḍǎ tjarètana Gulliver sè ta' èpartjadjǎ, ijǎ arèja nalèkana ngandhǎ'aghi, djhǎ' è sèttong naghǎrǎ, orèng sè radjǎna mara abǎ'na, ella èangghep raksasa. Sang Rato ta' tao sè ra'-ngèra'a, saapa radjǎna orèng sè enneng è naghǎrǎ djǎrèja.
Bǎḍǎ è karaton djǎḍijǎ Gulliver oḍi'na senneng, ngennèng mamarem abǎ'na, maèlang gheddhoer bǎn lessona. Dhinèng kalètan tjabhoellǎ Dhin adjoe Rato sè ladjoe, sè abǎtek ko'-markoko’ ègghik, tjè' bǎdjhi'na ḍǎ' Gulliver, sabǎb Dhin adjoe Rato korang asèna ḍǎ' abǎ'na; mon ḍǎ' Gulliver sadjǎn katara djhǎ' tjè' tarèsnana. Kalètan tjabhoel djǎrèja mon ètèmbhǎng bǎn Gulliver ijǎ ghi' bhoeta (raksasa). Abǎ'na taḍǎ' amboena sè ler-ngeller ḍǎ' Gulliver. È sèttongnga arè sabelloenna Sang Rato mondhoet ḍhǎ'ǎr sasarap, kabhenḍerrǎn è kamar djǎḍijǎ seppè, kalèdhǎn tjabhoel djǎrèja nongko' ḍǎ' nang-tanangnga korsè kalongghoeǎnna Sang Rato, Gulliver sè ghi' njaman djoe'-todjoe' asasarap, sarta ta' njana djhǎ' èno'- kono'è , ladjhoe ètjanḍhǎk lengngenna, ètjabbhoer ḍǎ' toboeng possa' aèssè powan, sè bǎḍǎ èattassa mèdjǎ. Gulliver pas èdhina'aghi boeroe ngonjer.
Sanaddjhǎn Gulliver tjè' pènterra alangngoj, nangèng njangsara sè entasa ḍǎri tasè' powan djǎrèja. Djhǎ' sakènga Geloemdalkelit ta' kateppa'an alebbhoe ḍǎ' kamar sarta ladjhoe ngangkès abǎ'na ḍǎri powan, tanto Gulliver matè. Gulliver kemboeng taboe'na. kamaso'an powan.
Bhǎreng parkara djǎrèja kapèjarsa ḍǎ' Dhin adjoe Rato, ladjhoe makon sopadjǎ Gulliver dhoeli èpatèdoeng neng-è katèdoenganna. Nangèng ḍǎri katjalaka'an sè ghellǎ' Gulliver ta' apa-rapa. Dhinèng kalètan tjabhoel sè djahat djǎrèja èokom, ijǎ arèja èpoppo, sarta èpakon ngènom maabi' powan sè ètjabbhoeri Gulliver ghellǎ'.
Nangèng okoman djǎrèja ta' andhǎddhiaghi djherrǎna. Ta' abit Gulliver ella ètja-antja polè. Neng-è mèdjǎ bǎḍǎ tolang kotong, ella ètjongkè' somsomma, djǎrèja èsabǎ' èpamandjheng. Teppa'na Geloemdalkelit pa'-mateppa' boepèt, dhǎddhi taḍǎ' adjǎgǎ, Gulliver ladjhoe ètjanḍhǎk bi' kalètan tjabhoel, èsono'aghi njongsang kaḍǎlem tolang katong bhoeroe, ètekket ḍǎ' bǎbǎ salar-kellarra. Dǎri kadjǎna, Gulliver kangsè kalengnger.
Dhinèng Dhin adjoe Rato ḍǎri dhoekana ḍǎ' kalètan djǎrèja,
