49
ladjhoe èparèngngaghi ḍǎ' sala sèttongnga parnjaè karaton. Bǎb djǎrèja andhǎddhiaghi bhoengana Gulliver.
Sanjatana sè tja-ngantja ḍǎ' Gulliver ta' partjoma kalètan tjabhoel djǎrèja bhǎi, kabbhi dhi-abdhi tjo-ngotjo ḍǎ' abǎ'na. Nangèng djǎrèja ḍǎri salana Gulliver dhibi', sabǎb abǎ'na talèbǎt panakot bǎn marèngèsan. Raksasa taḍǎ' sè ngartèa, arapa Gulliver ma' dhǎddhi tako' dǎ' taboewǎn, njang-manjang, tarkadhǎng abǎ'na marèngès ka lala'. Nangèng ma'loem, sabǎb radjǎna taboewǎn bǎn lala'na aradjǎǎn bǎn dhǎrǎ otabǎ poter. Ella segghoet kalè roti bǎn dhǎghingnga Gulliver sè ella bǎḍǎ è pèrèngnga ètèngghǎ'i ladjhoe èghibǎ boeroe. Gulliver ladjhoe ngonos ettjèssa èpangagghǎ lala'. Dhinèng mon lala'na bǎnnja', Gulliver ladjhoe boeroe bhǎi.
Gulliver tjè' pèrakka, mon ngèḍing Dhin adjoe Rato apasèjar è naghǎrǎna raksasa djǎrèja. Bengkona Gulliver masțè èghibǎ. Dǎri rata Gulliver ngennèng nèngghoe kabǎḍǎ'ǎnna naghǎrǎ bǎn orềngnga. Ta' antara abit Gulliver tao djhǎ' naghǎrǎna raksasa djǎrèja djǎzira[1] èpèngghir mor-ḍǎdjǎ èbǎtessè ghoenong bharisǎn ghi-tèngghi, sè paḍǎ kalowar apojja. Ghoenong bhǎrisǎn djǎrèja ghi' ta' tao èongghǎi orèng, molana ghi' taḍǎ' orèng tao, apa è saladjǎ' ghoenong djǎrèja èkennengngè orèng otabǎ endjǎ' bǎn bhângsa apa. Dhinèng pèngghirrǎ sè laèn èbǎtessè tasè' sè ta' bhǎngsa pabǎngennan radjǎna. Mowarana ngaj- songaj sè bǎḍǎ è naghǎrǎ djǎḍijǎ, èkolèlèngè ghoenong bǎto. Tasè' è naghǎrǎ djǎḍijǎ ombǎ'na djǎ-radjǎ, terros ka ghir sèrèng sè ghǎntè tabǎng, sè ghantè ghoeles, molana taḍǎ' parao sè ngennènga aladjǎr ka djǎdija. Amarghǎ djǎrèja naghǎra djǎḍijǎ akanţa sè tapèsa bǎn naghǎrǎ laènna. Raksasana ijâ ta' tao ḍǎ' naghǎrǎ laèn, kadjhâbhâna naghârâna dhibi' bhâi. Orèngnga naghǎrǎna raksasa bhoeroe kaètong bǎnnja'. Dǎri pangèḍingnga Gulliver koṭṭana sè radjǎ bǎḍǎ satos saèket, koṭṭa sè bǎḍǎ bhintèngnga bǎḍǎ saratos, bǎn dhisana ijǎ bǎnnja'. Dhinèng koṭṭa karadjhǎ'ǎnna èbǎgi dhǎddhi ḍoewǎ' bǎgiǎn, radjǎna moso sèttong songaj. Kennengnganna sè para' paḍǎ'ǎ karaton è bǎgiǎn sè pèngghir kangan. Karaton djǎrèja ta' abhǎngon sèttong kengko sè atoran, nangèng bengko bǎnnja', ana-bǎrna bhǎngon bǎn matjemma, èsambhoeng dhǎddhi sèttong kongsè pangkèngnga tjè' radjǎna, bǎrijǎ kèja kebbhoen bǎn lon-alonna.
Gulliver ta' kalèllan kalowar ḍǎri karaton adjhǎlǎn soko. Mon adjhǎlǎnana masṭè èpanompa' rata karaton, moso pangandjhoena, sopadjǎ ta' nemmoa pa-apa è djhǎlǎn; tapè ta' adhǎddhiaghi kasennengnganna Gulliver, sabǎb mon ratana lebǎt è lorong sè ato- bǎto, talèbǎt rontak djǎl-goendjǎlǎn; molana bengkona Gulliver pas èpasangè sabbhoe' kolè' sè kowat bǎn tegghoe, sopadjǎ ken-
——————
- ↑ Tjara Bǎlǎndhana: Schiereiland.
LALAMPA'ANNA GULLIVER
4
