50
nènga ètjangkè'aghi ka rata otabǎ èsanḍǎngngaghi ḍǎ' bhǎoena Geloemdalkelit.
È sèttongnga arè bi' Geloemdalkalit Gulliver èghibǎ ḍǎ' kebbhoen, èsabǎ' neng è sèttong kennengngan sè èkèra ta' ngabǎtèrè, labǎngnga bengkona èboekka' sopadjǎ Gulliver ollèa ngèn-ngangèn sambi adjhǎlǎnan tjar-kantjèr, Abǎ'na pas èdhina'aghi lǎn-djhǎlǎnan bǎn tja-kantjana. Kateppa'an Geloemdalkelit taḍǎ', ladjhoe bǎḍǎ patè'na tokang kebbhoen, Gulliver èkèkkè' pas èghidhing èghibǎ adjhǎlǎn, ta' abit ladjhoe èsabǎ' è rebbhǎ èaḍǎ'ǎnna lorana.
Tokang kebbhoen masè èlanga njabǎna ḍǎri takerdjhǎddhǎ, bhǎreng nangalè Gulliver è tjolo'na patè'na; sabǎb abǎ'na ella tao djhǎ' Gulliver djǎrèja kakasèna Dhin adjoe Rato. Gulliver ella mara madjit, ladjhoe èkala', sambi ètanjaè amè' bǎḍǎ potongnga otabǎ lokana bhǎdhǎnna. Ontongnga patè'na sè ngèkkè' ta' èpakadjǎ. Gulliver ladjhoe èghibǎ abǎli ḍǎ' bengkona. Bhoengana ta' djhǎma'. Nalèka sabǎrijǎ Geloemdalkelit abǎli. Abǎ'na tjè' takerdjhǎddhǎ bhǎreng tao, djhǎ' Gulliver taḍǎ', sarta èṭa'-èṭṭa' ta' njaot. Bhǎreng Gulliver èghibǎ abǎli bi' tokang kebbhoen, sarta atèna Geloemdalkelit tjellep, sanaddjhǎn tokang kebbhoen ngandhǎ'aghi apa sè ella kadhǎddhiǎn. Nangèng kabit ḍǎri djǎrèja Gulliver pas ta' tao leppas ḍǎri matana.
Bit-abit Gulliver ta' partjoma dhǎddhi kakasèna Dhin adjoe Rato bhǎi, nangèng para pottrè laènna ijǎ paḍǎ lèboer kèja. Segghoet kalè Gulliver bǎn Geloemdalkelit paḍǎ èondjhǎng, ètangghǎ' kanḍhǎna parkara sè alalana, apa polè kabǎḍǎ'ǎnna rǎ-naghǎrǎ mantja bǎn orèngnga, sè ella tao èèntarè Gulliver. Mongghoe ḍǎ' panemmona trè-pottrè djǎrèja, tjarètana Gulliver akanța dhoengngèngnga orèng è ahèrat.
Dhin adjoe Rato ella ngaghǎli , djhǎ' Gulliver lèboer alaladjǎrǎn. Molana è sèttongnga arè ladjhoe èparèksa, apa abǎ'na tao ngamoḍdhi'i parao. Gulliver mator djhǎ' padjhǎt tjè' pènterra. Dhin adjoe Rato ladjhoe makon aghǎbǎj o-paraoan nè'-kènè' ḍǎ' tokang parao, èpatompa'a ḍǎ' Gulliver. Neng-è karaton èdhika'aghi pasangè kolla palèstèran sè radjǎ, sopadjǎ Gulliver ngennènga aladjǎr sasennengnga atèna moso parao djǎrèja. Bhǎreng paraona ella marè, ladjhoe èpolas mètorot bǎrna parsemmonna karadjhǎǎn. Tèjangnga èpasangè ladjǎr, Gulliver pas èpakon mapan todjoe’ adjǎgǎ kamoddhi. Dhin adjoe Rato bǎn para pottrè paḍǎ tjè' kasokanna, kabbhi paḍǎ njarèpo ḍǎ' ladjǎr, paraona Gulliver ngatjower padjhǎlǎnna, akanța pana leppas ḍǎri ghǎndhibǎna. Sè paḍǎ nèngghoe paḍǎ aghellǎ'ǎn. Sakèng santa'na parao, Gulliver segghoet para' kalènḍhiǎ sè mèngoa paraona sopadjǎ ta'kangsèa ngantor ḍǎ' pèngghirrǎ kolla.
Bǎrijǎ kabǎḍǎ'ǎnna Gulliver èḍǎlem karaton, katonna tjè' sennengnga bǎn tjè' bhoengana. Nangèng kabhoenga'an bǎn kasennengngan djǎrèja ta' adhǎddhiaghi loppana Gulliver ḍǎ' naghǎ-
