51
Cèṭa'an:OmboxCèṭa'an:Category handler
.....kabbhi paḍǎ njarèpo ḍǎ' ladjǎr.
rǎna bǎn ana' binèna. Segghoet kalè abǎ'na arassa ta' perna talebǎt, sarta tjè' agherrǎ sè dhoeliǎ ngennèng molè.
È sèttongnga arè Gulliver nemmo tjalaka' korang sakonè' matèa. Arè panoddjhoe tjè' panassa, Gulliver terro ngèn-ngangèna èlowar, maèlanga lalakka. Gulliver kalowar ḍǎri kamarra neng-enneng è pèr-ampèrra kamarra Geloemdalkelit; ladjhoe bǎḍǎ moṭak radjǎ naè' è ratja'na pèr-ampèr, Gulliver ètjanḍhǎk èghibǎ ḍǎ' tas ratja' terros naè' ḍǎ' talang ladjhoe ongghǎ ka ata'. Salamet Geloemdalkelit nangalè ḍǎ' moṭak sè ngèbǎ mongmonganna, pas atjerrèng mènta tolong. Orèng èḍǎlem karaton kabbhi paḍǎ njandher nolongana. Ontongnga kateppa'an Sang Rato bǎn Dhin adjoe mèjos apasèjar.
Dhi-abdhi ngèbǎ anḍhǎ landjhǎng èsanḍǎrraghi ka ata'. Nangèng sarrèna moṭakka neng-è tjèk-ontjèkka, dhǎddhi taḍǎ' orèng sè ngennèng apara'. Gulliver ètegghoe'i bi' soko aḍǎ'na, akanța sè negghoe' na'- kana'; ladjhoe èdhoelǎng, èngala'aghi kakan sè la bǎḍǎ è kemmèlanna. Dhǎ-anḍhǎ dhoeli èbhoeng-sambhoeng èpalandjhǎngan. Nangèng bhǎreng moṭak tao djhǎ' abǎ'na èpèghǎ'ǎ, Gulliver ladjhoe èpaghagghǎr, aba'na boeroe. Gulliver ngètèk sè negghoe'i ghentèng, sakèng tako'na sè laboeǎ; sabǎb mon kangsè laboe, ta' boeroeng abǎ'na sè antjor teppa' ka to-bǎto neng-è tanèjan.
