laènna patèna, sabǎb mon orèng ghǎgghǎr ḍări kennengngan sabărijá tèngghina, tanto antjorra.
Ta' ella' saapa Gulliver arassa bheḍḍhǎ kopèngnga ngèḍing sowara ngaroḍoe' landjhăng, akanța kasa'na dhoerboeghăn. Pan-bărămpan mennèt abiddhă Gulliver ta' nangalè pa-apa sakalè, sabăb petteng alèmonan. Ta' abit bengkona ladjhoe èkarassa ngolboe'sakeddjhǎ' agghi' pas tèra'. Nètènè dări hoendjegghǎ bengkona, Gulliver ngaranè, djha' bengkona tatjabbhoer ka aèng sè tjè' ǎlemma; mè'-amè' tasè, ladjhoe ngantang polè.
Sarrèna dhăsarra bengkona èlapèsè bessè kandhel, dhăddhi berrǎă' èbăbă, molana nalèkana ghǎgghăr ta' abăli'; sarta napa'na ka èng ta' bellă. Sarrèna ghăbăjănna bengkona santosa, rapettanna je bhăghoessa, labăng bản djăndilana pada èsosè, dhăddhi bengkona Gulliver ta' kamaso'an aèng. Ontongnga pakakassa bengkona paḍă èsekkroeppaghi ka mobin, djhă’ endjă’a, nalèka paghăgghănă tanto njalaka'è ḍă' Gulliver.
Gulliver ladjhoe mokka' djănḍilă sè băḍă èattasanna katèḍoenganna. Ijǎ bhenḍer kalabăn njangsara, nangèng èkennèng. Satèja Gulliver pènḍhă ollè angèn ḍări lowar bhălăkka', naddjhăn kabăḍă'ǎnna ghi' ngabătèrè. Sabăb ollè dhăddhi bengkona antjor, marghă taantor ka karang, otabă amè' ètjapo' angèn radjă, bhă'ombă' radjă tanto tasèllem.
Laèn ḍări djărèja, sangona nèng sakonè', dhăddhi mon ta' dhoeli nemmo partolongan, tanto matè salang lompo. Gulliver ma' pas tjè' terrona neng-ennengnga băn pangandjhoena è karatonna raksasa polè. Mon èkangen masè nangèsa, marghă ta' kowat è nèser, mandhă'ă sossana Geloemdalkelit, bilă tao djhă' abă❜na èlang ḍări naghărăna. Nangèng bi-lebbi polè sossana atèna Gulliver mon ngènga'è bhădhănna dhibi'. Abă'na ta' ngennèng èstèjar sè leppasa ḍări bhabhǎdjă, sabăb abă'na sarat èpatanḍhăn ḍălem bengko djǎḍijă.
Gulliver tjak-njatjak mokka'a koḍoengnga bengkona sopadjă ngènnenga ra-ngèra, èḍimma patana kennengnganna abǎ'na. Nangèng karè teng-patețțengngan bhăi, sabăb koḍoengnga djărèja tjè' berrǎ'na mongghoe ḍă' Gulliver; tjoṭṭo'na pèkkèrra, la aḍăntè' ḍătengnga Malakoelmaoet bhăi, Gulliver ladjhoe tang-ghentangan neng è tèker radjhoeddhă.
Kabăḍă'ăn sè bărijă rèja kangsè pan-bărămpan eddjhăm. Gulliver ma' ladjhoe ngèḍing sowara ngaroso neng è èrèngnga bengkona; la-mala kolè' paghăntonganna masè akanța sè èsenḍhăl, băn djărèja ladjhoe ngongkolè djănḍilăna, sarta ombǎ'na nalèka bengkona pas èkarassa mèrèng.
Sanaddjhăn lǎ'-ghellă'na Gulliver la èlang pangareppa sè ollèa partolongan, satèja anḍi' polè pangareppan. Sapa tao pola orèng sè băḍă èseddhi'ănna djărèja, molana Gulliver ladjhoe asowara, sopadjǎ èkaèḍinga. Abă'na aorak ngangghoej sowara ana-bărna
