tjè' kadjǎna. Dhinèng mon abă'na dhibi' ngotja', kodhoe aṭarat raksasa ngèḍinga băn ngartèa.
Kaptèn sè aḍon-djanḍoen băn Gulliver kangsè tjè' malemma; kaptèn băn Gulliver èberri’i lăng-ghellăng salakana totoppa bengkona, mènangka pamalessa Gulliver ḍă' kaptèn sè ella ngangkès bhadhǎnna ḍări katjalaka'anna.
Kaptèn akanḍhă ḍă' Gulliver, djhă' kapalla djărèja ḍăteng ngala' boewǎdhăn ḍări naghără Tonkin, băn salè-ollè ta' per.sepperrana ḍǎ' naghără laèn, terrosa molè ḍă' naghără Inggris bhăi.
Sabǎtara arè saellana Gulliver băḍă neng-è kapal, angèn pas molaè bhǎnter. Kaptèn sè aladjăr noro' salandjhăngnga pèngghir sèrèng lao'na polo Borneo, terros lèbăt è sellat Sonḍhă è lao'na polo Soematra, ladjhoe mantjer ḍă' bără'-lao', ḍă' patana ekkap de Goede Hoop. Sabăb bǎkto djărèja Suez-kanaal ghi' taḍă', dhăddhi taḍă' parao lèbǎt èdjăḍijă terros ḍǎ' tasè' Tengnga.
Neng-è pasèsèr lao'na tana Afrika kaptèn kapaksa njepper ka sèttong palabbhoeăn, sabăb parlo ngala'a aèng ènom băn sango laènna. Sanaddjhăn Gulliver ghi' ta' tao ghoe-nèngghoe è naghără djăḍiiă, abǎ'na ta' ghellem noro' toron ka ḍhărăt, neng-enneng èattas kapal bhăi.
Kaotja'a kapalla ella salamet lèbăt è ekkap de Goede Hoop; tello boelǎn abiddhă ḍări băktona Gulliver sè njèngla ḍări karangkènganna, pasèsèrra naghără Inggris ella katon, kapalla salamet maso' ḍă' palabbhoeăn Portsmouth.
Sarrèna pèssèna Gulliver ta' tjokop sè èbhădjărragḥiă ka kaptèn mènangka ongkossa kapal, kareppa Gulliver mèdjă băn korsè ghadḍhingnga èbădjărraghiă ghalloe; anangèng kaptèn ta' enḍă' nampanè, otja'na malè-malè, djhă' Gulliver ta' ambhoe madjăr tambhănganna kapal. Saabiddhă è kapal djăḍijă Gulliver èangghep tamojja kaptèn. Tjarètana Gulliver kabbhi mongghoe ḍă' kaptèn la èangghep bhărăng sè larang kabellina.
Edjădijă orèng sè kaḍoewă ladjhoe paḍă amèt băng-èbăngan, abăsanna tjè' pabhălăna akanța mo-sarmoan abit. Apa polè kaptèn adjhǎndjhi bhăkal segghoedhǎ pot-njapot Gulliver ḍă' bengkoną neng-è Redriff.
Gulliver ella napa' ḍă' ḍhărăt, pakakassa kabbhi èboewǎ' ka djikar, abǎ'na dhibi' njèwă djhărăn, ètompa' molè ka bengkona. Ella ta' katjator bhoengana. Binèna njandher mapak aghelloe' lè'èrra, nangès abherroej ḍări bhoengana. Na'-ana'na băn mo-sarmoanna kabbhi paḍă bhoenga, sabăb Gulliver sè molè polè. Dhinèng Gulliver dhibi' asokkor ḍǎ' Ghoestè Alla, sè kasokan makalowar abă'na ḍări naghără Brobdingnag naghǎrăna raksasa ghellǎ'.
