Samarèna djărèja, ratona tokang sèhèr marèksa ḍă' Gulliver, amè' ghi terro taoa polè robăna rèng-orèng sè paḍa anḍi' labhet è djhăman pan-bărămpan ratos taon sè ella tapongkor.
Gulliver pas èadjhăk ghoe-nènghoe sabalattrana karaton. Èlowar katon ghoemo' bato radjă, nangèng èkedhebbhi bhăi ba' Goepennor tokang sèhèr ladjoe aboekka' ḍhibi'. Sè kadoewá ladjoe paḍă alebbhoe ḍă' ghoemo' djarėja, lebat è eggăng sè asènat bălǎoe ngoḍă. Djhǎlănna jot-njalėjot pas ḍăpa' ḍa' sittong talaghă èḍǎlemma ghoemo' djareja. Bhareng napa' ḍă' sakandja, lambhoengnga ghoemo' èboedina talaghă pas bhengka, pas kalowar băn parabǎn ḍoewǎ bhiri. Sabhirina băḍă nem-ennem băn sottong kapalana pangangghoejjă potè èpèngkès, asaong potè ber-gălebberrăn, dhinèng parabăn sè laèn apangangghoej sanarbhă ennjat ngoḍă, aboergoe' ber-glebberrăn mara kalembang njapo'è bhăoena. Băn-parabăn djǎrèja paḍă aghoe' tegghoe' tanang, aḍăngsa ngabăng è ombă'na talaghǎ. Ḍări tjeppet băn parèkassa masè njèng kontjo'na sokona sè njeddhing ka aèng. Tabbhoeănna mosik èkaèḍing mo-njamo. Paḍǎngsana sakeddjhă' atjampo, sakeddjhă' apèsa, ngadjăng, njalongngo', talèbăt njennengngaghi; ladjhoe aghălăngghăngan boenter, băng-tabăngan neng èattasanna aèng, akanṭa bhoental mawar potè tjampor ennjat.
Bhǎreng èkèdhebbhi bi' Goepennor tokang seher, kabbhi pas sèrna dhaksakala. Gulliver mator kaso on parenge nèngalè kaanean sè mara bhoeroe, sarta mator djha' saeddjheggha oḍi' ghi' bhoeroe sakalean djărèja tao nengghoe dángsa sé bhaghoes ongghoe.
Serrèna Gulliver ella arassa abit băḍă neng karatonna ratona tokang sèhèr, molana abá'na la jhoe apaamitan mola ḍa' Maldonado. Saellana mare mator kasoon polè pas mangkat. Pamolèna ḍa' Maldonado salamet ta' korang sèttong apa.
Gulliver sè mondhoek è dhalemma bhăndhăr Maldonado kangsè pa'bhellǎs arè. Bhoeroe ngeding berta, djha palabbhoèăn băḍă settong parao sè bhăkal aladjară ḍă' polo Loegnag. Ella tanto dhadhi kabhoenga'anna Gulliver sè ta' dă-mandă. Rang-bharangnga ladjhoe èrèngkessè, terros amèt da' bhandhar se éponḍhoeghi. Gulliver pas èsangoè satjokoppa.
Mo-sarmoanna nèng Maldonado kabbhi paḍă èamètè. Satèja Gulliver mantjala ḍări palabbhoeăn, ta' tao djha' bhakal nemmoa.
LALAMPA'ANNA GULLIVER
