malolo. Sanjatana bă'na èparèngè pangkat djărèja sasat ollè kanog-grăhăn, molana bă'na bhoeḍhoe, mon ghi' njama nolaka."
Eduard: „Ijă ella, sèngko' la ngartè ka kareppa bă'na djărèja, nangèng sèngko' aromasa ta' asangghoep sè adjhălănana pangghăbăjăn djărèja, karana orèng dhăddhi Sèkretaris rèja, lè', rè-saarè la nolès bhǎi, mangka tang kalakoan taḍa' laèn, kadjhǎbbåna sak-njarasak alas nèngghår kèbǎn. Molana bilǎ èkèr-pèkkèr bi' ongghoe, masè asennengngan abhåbhoeroe so dhăddhi mara djǎrèja."
Humphrey: „Ḍoe marèna bă'na pas nolèsa samanè bărijă, Eduard. Endjă', rassa sèngko' bă'na la-kala èèdhinè so towan èntar abhăbhoeroe abhăreng Oswald sarta bă'na pas ta' kobătèr èpatèana orèng bhăngsana Corbould rowa. Polè rèja kodhoe pèkkèrè, Alice so Edith rèja, sang karep endjă' ta' èsoroa enneng ḍinna' bhăi, krana bănnè ana'na rèng tanè. Lă, rèja apa tja'na bă'na, djhă' èpassra'aghia ka sapa, sabab bă'na satèja dhăddhi ghăntèna kai so Jakob. Bă'na mon băḍă dissa tanto ngennèng ngèstèjarè parkara djărèja. Endjă'; Eduard, rassa sèngko' maskè njarèa sabhoemè alam, masè ta' nemmoa orèng kanṭa towan. Heatherstone rowa, pas băngal abherri' pangkat djărèja, sanaddjhăn la kaprotangana sakalè. Marèna bărămma bă'na djrèja, ghellem apa endjă' adjhălănè?"
Eduard: Ija, la dhina, lè', la'-lèlla'an èlabǎna; mon kèra ta' senneng, sèngko' molèa polè."
Humphrey: „Lă, bărijă, ral mon ta' ghellemma bǎ'na apa ta' èman ka ana'na rowa? Endjǎ', Eduard, rèja' towana, mara apa sèngko' tao ngatèla' orèng ènga' Patientia djrèja."
Eduard: „Bǎ'na apa ghellem, lè', djhǎ' èpabinèana kana' djrowa?"
Humphrey: „Endjă' ta' polana djrèja sèngko' sè ngalem Patientia, tjoma marghă bettjè' tabi'atta. Ghi' Alice so Edith tjoma sakeddjhă' sè apolong la tao ngotja' kèja sarta la adjhin-djhăndjhin tè-ghăntèa maènè. Ella mara ḍă'ijă bhăi: Patientia oboe bă'na, sèngko' ngoboeă Clara."
Eduard: „ljă, lè', parkara djrèja bă'na tao bhăi sè ngotja'a, nangèng apa kèrana sèngko' so bă'na èkenḍă'i, djhă' ana'na rèng dhisa rèja?
Nangèng endjă', sabăb Cromwell so Parlemmèn ta' kèra marènta saterrossa, ngara sabelloenna bă'na ngennèng mèghă' djhărăn rowa, Sang Radjhă la djhoemenneng polè."
