8
Sabelloenna ngadjhăr matja bhăb pabbrik găs, è băktona pangadjhărăn èlmo alam otabă tja'-ngotja', sè bhăḍhi èkaranga, ghoeroe parlo arembhăk bhăb abhăḍhi găs ḍări areng băto sarana ènjata'aghi ḍă' para morèd.
È băktona pangadjhărăn ngangghit parlo ngarang ponapa sè ampon marè èrembhăk.
Manabi èdjhălănnaghi kadhi sè kasebbhoet bhoeroe, kètab bătja'an panèka ta' malarat mongghoe ḍă' para morèd, la-mala dhăddhi kasennengngannèpon; bhoenten ta' akadhi èssèna kètab bătja'an sè kabănnja'an.
Djhălănna pangadjhărăn matja tjara sè kasebbhoet bhoeroe, tanto nambăi berră'na pangghăbăjănnèpon ghoeroe, sabăb kodhoe nambăi paonèngannèpon sopadjă napa'a ḍă' saddjhăna. Anangèng sè sapanèka ta' andhăddhiăghi kastana, sabăb kamalaratannèpon sè alako radjă asèlla.
Pangarep-arep kaoelă, ghă-moghă pangghăbăjăn kaoelă panèka dhăddhiă partolongan ḍă' kamadjhoeanna rèd-morèd sareng na'kana' ngoḍă bhăngsa Madhoeră. Sitoebăndă 15 November 1915.
