Cèṭa'an:Missing image adhin Salè Sarif Bastaman ghi' santana Bhoepatè; lahírra è Semmarang ra-kèra nalèka taon 1814.
Kan-kasokananna molaè ghi' kana mola abhăr-ghambharan. Kalamon kaaghoengan dhaloebang ban po'lot pas aghambhar ta' katèk amboe. Bădă bhai sè èghambhar, akanța: aghambhar bengko, mano', karèta băn djhäränna. Kalamon tja-kantjana pada nèngghoe ghambhărǎnna, mangka bada sèttong ngotja' ka sè laèn: "E, tèngghoe ra, arèja ma' djhărănna eppa'na ba'na arowa," Radhin Salè arassa kasokan ban radja pangghăliănna. Bi-lebbi bhoengana bhareng ngastanè aghambhar matjan, sè èolatè è Solo, kaaghoenganna Kangdjeng Sampèjan Dhalem So'onan.
È sèttongnga arè Radhin Salè kaparèngan tjèt ghambhar sadoes ban ramana. Sennengnga pangghăliănna narèma paparèng djărèja ta' ra-sakèra sasat meggha' lottrè saratos èboe ropèja. Bhareng kaaghoengan tjèt, kaaghoenganna bhar-ghambhar pas èpolas, atamba tjè' bhaghoessa.
Nalèka Radhin Salè joeswa 14 taon, bădă Bălandha tokang ghambhar matamoj ka dhalemma ramana sarta nèngghoe bhăr-ghambhăr asta'anna Radhin Salè. Towan djärèja pas tao nebbhák, mon ahèrra Radhin Salè bhakal
