roko' kalobhoet, maèlang lessona. Dhinèng Boe'na Asík atennon è palèmpèrra. Ana'na èn-maènan è tanèjan. Senneng ongghoe aḍi'na Pa'na Asík saana' binèna.
È sèttongnga arè Pa'na Asík djoe'-todjoe' sambi ngarèna pèssèna sarta kèr-pèkkèran. Bhăreng ella teppa' karena'anna, è laèn arèna èntar djhălan, pamolèna abiḍḍhi' kerbhoej ollèna mellè. Pèssè sè èkabelli djarèja ijă ollèna njèlèngè ghăn sakonè'. Emboe'na Asík tao lakèna ḍăteng aghiring kerbhoej pas èèntarè. Sè kaḍoewă tjè' pèrakka. Asík alebbiăn polè; kerbhoejjă èparatènè, èlos-ellos, èsot-kosot; sabbhăn arè èpanḍi'i; pakanna ta' kakorangan. Kerbhoejjă ijă ngartè mon èparatènè, molana pas tjè' nototta; maskè ètompa', ètègghoe'i tanḍoe'na, ètadjhă' boento'na, neng-enneng bhăi; Asík băn kerbhoejjă ella sasat akantja.
Sabbhăn lagghoe Asík èntar ka sabă nompa' kerbhoejjă lèbăt è băroeng sè kasebbhoet ghellă'. Paennengnga sè nompa' magăgă', tanangnga njekket bingkèng sambi ngèdjhoeng; sowarana tennè, njaman èèḍingngaghi. Orèng binè, sè anḍi' băroeng, mèsem ngabăssaghi Asík sarta tjè' leboerră ka kana' djărèja. Torkaḍhăng Pa'na Asík amboe lè-mellè è băroeng djărèja, ladjhoe matotok padjhălanna ka sabă asaka'a.
Panḍă' ella tjè' sennengnga pangorèpanna Pa'na Asík djărèja saana' binèna kalabăn podjhoerră.
Kaotja'a è sèttongnga arè orèng, sè anḍi' băroeng ghellă', ghetton nangalè Asík èntar ka sabă tjoma wă'-ḍoewă'an băn kerbhoejjă, eppa'na ta' noro'; abăsanna sossa, ta' bhoengkak akanṭa sabbhănna, molana pas atanja bărinna': .............................................. „Mama'na apa sakè', Sík, ma' ta' abhăreng?”
„Enten; eppa' ghi' băḍă è boeḍi; sakeddjhă' agghi' ḍătengnga,” sambhiddha sè ètanjaè sambi adjhălan.
