Pa'na Asík pas adjhălăn polè noro' eggăng ghellă' sambi ngèbă paodhoedhăn terros ḍă' sèttong kamar lèbăr. È djăḍijă lèntjakka radjă sèttong bănnja' orèngnga, ropana paḍă tèḍoeng. Pa'na Asík todjoe' è djhăngka' landjhăng băḍă talopakanna. Tjanḍhoena ghellă' ètjokèt pas èsaloj băn bhăkal. Bhăreng ella ranta pas èodhoet.
Panjergoe'na tjè' bărentengnga, pèpèna taker kelpong. Okossa kalowar polè ḍări èlong băn ḍări tjolo'na. Bhăreng ollè tello sergoe'ăn tjanḍhoena ella taḍă'. Pa'na Asík pas njanḍăr è panjanḍărănna djhăngka', ta' abit pas njèḍḍha.
2. Totokka bhăb amadhăt. Cèṭa'an:Missing image Rèng-orèng sè paḍă tèḍoeng è kamar djarèja paḍă tokang amadhăt kakabhi. Bărijă kèja Pa'na Asík.
Tjèna ghellă' tjè' larangnga sè adjhoewăl tjandhoe, molana bănnja' ontongnga. Atambă bănnja' padjoena, atambă bănnja' bhaṭèna; amarghă ḍări djărèja Tjèna ghellă băngal madjăr orèng èsoro adjoe-boedjoe' orèng èadjha' ka patèkèn. Tokang boedjoe' djărèja tjè' adăbbhǎ sarta manès patjatjana, molana bănnja' orèng sè kanjot ka otja'na.
Ghi' ḍoe boelăn sè tapongkor Pa'na Asik èntar ka pasar koṭṭa asaddjhă mellèaghiă sarong binèna, njarèja sè bhăghoes. È sabbhoe'na possa' aèssè pèssè. Pa'na Asík adjhoedjhoek è pasampèran; ghi' parappa'na ghoe-nèngghoe
