22
Pappó! bhoengana aèng ta' ra-sakèra, polana tao kalowar ḍări papetteng, ladjhoe tja'-lontja'an, băḍă sè ngènḍoe è panassa arè; băḍă sè terros aghili apolong băn tja-kantjana alèbădhi bhăng-kembhăngan ana-bărna, sarta njèramè ḍăoenna boe-tomboeăn sè mongghing è pèngghirră songaj. È salandjhăngnga djhălăn atjampo băn aèng ḍări li-ghilian laènna, molana bit-abit songaj djărèja atamba lèbăr.
Bilă aèng djărèja aghili è pamengkangnga orèng atambă lèboer, sabăb bannja' na'-kana' paḍă èn-maènan è aèng. Torkaḍhăng aèng djărèja ngontja' ḍă' attas, semmona ngabălă'ă kabhoenga'anna ḍă' arè otabă ḍă' ka'-bhoengka'an. Paghilina atambă djhăoe sarta atambă bănnja' bhărengnga, sabăb è lăn-djhălăn atempor băn aèng ḍări soksok sè laèn.
Ḍări djhăoeăn aèng ghellă' nangalè bengko radjă è ondjhoerra; rassana masè bhăkal èkennènga bhentor.
Marèna ongghoeăn. Sanapa'na sakandjă tao-tao aèng djărèja ghăgghăr aghili ḍă' băbă dhăddhi ghăroedjhoeghăn abhentor roḍă, sè tje radjăna. Sakèng bhăntera paghilina aèng, roḍă djarèja pas apèddhel. Dhinèng ḍă-roḍă laènna sè asambhoeng băn roḍă radjă ghellă' ijă pas paḍă noro' apèddhel tjè' santa'na.
