31
bengkona abhăngon leghin kabilang seḍḍheng radjăna. Pa'na Saníp pangalèboerra ḍă' na'-kana' ghi' pagghoen, molana bănnja na-kana' sè segghoet èntar èn-maènan ka bengkona. Torkadhang na'-kana' djarèja èpapolong pas èdhoengngèngè. Na'-kana tjè lèboerrà ngèdingngăghi dhoengngèngnga. Pa'na Saníp ija segghoet aghăbăjjaghi èn-maènanna na'-kana'; sè èghabajjaghi paḍă ngaromo' nèngghoe paghabajja. Serrèna nalèka ghi' noro' towanna ella tao èn-maènan ana-bărna, molana satèjă ijă tao nèndha. Na-kana sè èghabajjaghi paḍă lèboer, sabăb saabiddhă ghi ta' tao ka ropana èn-maènan tjara djarèja.
È sèttongnga arè Pa'na Saníp atjèko sè alalakon alobănge peṭṭèna roko' manèla. Maskè pangghabajan djarèja abăk malarat, bit-abit dhaddhi kèja. Samarèna djarèja ladjhoe aghabăj boengboeng ḍări dhaloebăng kandhel; è lobangnga sè saladja èpasangè katjana tasmak; è pèngghirra katjă èpasangè ellím, dhăddhi ollè tjekka' ḍă' boengboeng, ta' ghămpang tjotot.
Kontjo'na boengboeng sè saladjăna èpamaso' ḍă' lobăngnga kotak ghèlla' èparapet.
Dhinèng kodoengnga kotak èkettok dhăddhi ḍoewa' Cèṭa'an:Missing image teppa'; sè saparo èghărghădjhi èpanjerang, dhăddhi 2 madjhoe tello'. Papan ḍoewá mègghi' djarèja èpakoaghi è kangan katjèrra koḍoeng sè saparona; bhareng ella marè pas èkoḍoengngaghi è attasanna koṭakka, dhăddhina akanta ghămbhăr arèja.
È ḍălemanna koṭak sè ta' akodoeng èpasangè katja, sè ngangghoej rasa, epamèrèng. Bhareng pettè djărèja ella ranta, Pa'na Saníp pas ngala' katja la'-bellă'ănna katjana
