mabi kolè'na kadjoe bhisaos. Kolè'na kadjoe sè èbhădhiă sabbhoe', ètèttè ḍhimèn kantos mommo akadhi planèl. Orèng sè tèngèl ḍăḍă sareng boegghigghă ètopoè kolè'na kadjoe djhoeghăn; è èrènganna èdjhăi' mabi mandjhălin, dhăddhi abhăngon kotang, tapè taḍă' lengngenna sareng tadă' lè'èrra. Torkaḍhăng kalambhina ghăpanèka èghămbhări atjem-matjem. Manabi ta' èntar djhălăn ta' poron ngangghoej sè è-saè. Kaoelă èngghi serrèng matèngèl tjara ghăpanèka manabi èntar djhălăn.
Orèng dhăghăng ḍări Bhăndjhărmasèn bănnja' sè èntar ka las-alas kampongngèpon orèng Ḍăjă', mellèa beddhăllă alas, akadhi: mandjhălin, ghetta, arpoés sareng èn-laènnèpon. Kaoelă segghoet ngater orèng dhăghăng sareng dhăddhi djhoeroe bhăsa. Sanaddjhăn tong-sèttongnga bhăngsa Ḍăjă' paḍă ghădhoeăn bhăsa băng-sèbăng, anangèng băḍă bhăsa, sè èangghoej bhăngsa Ḍăjă' manabi atjatja'a sareng bhăngsana sè bănnèan bhăsana, èngghi panèka bhăsa ,,Boesang. Sèngko' ladjhoe atanja: "Napè akanṭa otja' Maladjoe è tana Djhăbă?" "Èngghi lerres," saotta orèng Ḍăjă' djărèja sarta pas ngotja' polè:
