Page:Paramasastra Madura.pdf/19

-18-

42. Tja'-otja' sè ollè sessellan:
    èn - pènareng (èparengngè otaba kapareng, opama: manabi pènareng kalaban kasokanna Alla, mangkèn tanggal.........).
    om tomekka (ètekkanè).
    al djalimet (andi' sèpat djimet).
    ar karettek (otja' barang sè kasènongan kettek).
43. (3)-Otja' tjamporan. Otja' tjamporan rèja bada sè samatjem (gula bato) gula ban bato pada otja' barang. Bada sè laèn matjem (tokang tjokor) - tokang otja' barang, tjokor otja' gabaj. Aèng odi' rèja ènjamaè tjamporan samporna.
44. Otja' tjamporan arèja atjem-matjem artèna, akanta:
    1. gula pasè...............gula sè andi' sèpat akanta sèpadda pasèr (beḍḍi).
    2. dingding Talango.... dingding sè asalla dari Talango.
    3. sabun ro'om... sabun sè andi' sèpat ro'om.
    4. mèdja tolès..........mèdja sè mastèna èkennengngè nolès.
    5. sello' emmas...... sello' sè èkagabaj dari emmas.
    6. sello' enten sello' sè amata ènten.
    7. somor ebbur..... somor sè agabaj kalaban èebbur.
    8. pandan duri......pandan sè aduri.
    9. gilingan tebbu....gilingan kaangguj agiling tebbu
    10. gudang budja... gudang panjaba'anna budja.
    11. ladjarra parao.... ladjar bagijanna parao.
    12. korsè gojang....korsè sè gampang agojang.
    13. buluna bettès...bulu sè neng è bettès.
    14. panassa arè......panas amarga arè.
    Arèja polè tja'-otja' tjamporan: sènga', atong, ngadalpang, gambar odi', komèdi gambar, sapèda motor, messin terbang, padjung ardja, dada mano', djikar kasar.