Kaca rèya bellun èyoji-bâca
-20-
- Katerranganna okara, sè ènjamaè lèsan ija arèja katerrangan sè parlo, anjata'agi:
- Pa-apa sè nanggung otaba njandang.
- Pa-apa sè kadaddijan otaba sè èkaollè lantaran ogerra tjarètana, opama:
- Kotjèng ngakan tèkos.
- Tokang kadju agargadji osok; (sè barija kalamon sè ègargadji balo', parlo èpadaddija osok).
- Karim atanja da' Tima. Otja' Tima djarèja katerrangan sapa sè nampanè.
Hamid mellè nasè' kangguj rama (Hamid mellèjagi nasè' rama). Rama, ènjamaè katerrangan sapa sè ngaollè. Bannja' polè katerranganna okara, akanta katerrangan:
- bakto................bari' Rama nènggar mano'.
- kennengngan................Tati mandi è djeḍḍing.
- sabab................orèng mowa koros marga arta.
- pangambri................kaka' ngolok ga-tatanggana ngambri rammèna.
- parabut................tokang rowa ngettok kadju ngangguj gargadji.
- sè andi' lako................embi'na la èsambelli bi' oba'.
- bin-sambin................na'-kana' rowa njambit sambi mèsem.
- ḍjan-laddjan.................Rawi apadu moso Manti.
- dari katerranganna (bagijanna okara)................bari' lem-malem ana'na pa' Sur nompa' sapè da kènè' neng ampèr lao' tjè' tè-ngatèna.
- Okara, sè djeddjer ban tjarètana pada kasebbut (Uwi sakè'), ènjamaè okara samporna. Kalamon sala sèttong tada', tapè korangnga djarèja kennèng sarè'è neng ḍalem okara è ada'na otaba neng budina (sapa sè ngala', Din? Sidin njambit:,,Sèngko'." Genna'na sèngko' sè ngala'). Marli aowèng, marga ta' enḍa'; genna'na marga Marli ta' enḍa'; djaréja ènjamaè okara rèngkes.
B. Matjemma.
